سەرۆکوەزیرێ ھەرێما کوردستانێ مەسروور بارزانی ئیرۆ 8ێ ئادارا 2023یێ، پێشوازی ل بالیۆزێ ئیتالیا ل ئیراقێ ماورتزۆ گریگانت کر.
د ھەڤدیتنێ دا کو کۆنسولێ ئیتالیا ل ھەولێرێ میکێلێ کامێرۆتا ئامادە بوو، داوی گوھارتن و پێشھاتێن ئیراق و ناڤچەیێ و پێشڤەبرنا زێدەترا پێوەندیێن ھەرێما کوردستانێ و ئیتالیایێ ھاتن گۆتووبێژکرن.
مژارا سەرەکەیا جڤینێ، تایبەت بوو ب گۆتووبێژکرنا گرینگیا ئەنجامدانا ھلبژارتنێن کوردستانێ. د ڤێ دەربارێ دز، سەرۆکوەزیر مەسروور بارزانی تەکەز کر کو دڤێت ھلبژارتن د دەمەکا گونجاوا ڤێ سالێ دا بهێن کرن و ئێدی نەیێ پاشخستن.
بالیۆزێ ئیتالیایێ چاکسازیێن کابینەیا نەھەما حکوومەتا ھەرێما کوردستانێ د وارێ دیجیتالکرنا خزمەتگوزاریێن گشتی، کارکرنا ژ بۆ پاراستنا مافێن مرۆڤان ب گشتی و مافێن ژنان و رووبرووبوونا توندووتووژیێ تایبەتی، بلند نرخاندن.
د بەشەک دن یا جڤینێ دا، تەکەزی ل سەر گرینگیا چارەسەرکرنا پرسگرێکێن د ناڤبەرا ھەرێما کوردستانێ و حکوومەتا فەدەرال دا ل سەر بنگەھا دەستووری ب ئاوایەکی بنگەھین ھات کرن.
