ھەڤسەرۆکا ھەدەپێ ل سەر دۆزا گرتنا پارتیا خوە تەکەز دکە، ئەو ناچن دادگەھا دەستوورێ و پارێزنامەیا خوە پێشکێش ناکن.
ل سەر داخوزا دادگەھا دەستوورێ، بریار بوو ھەدەپە ئیرۆ بچە دادگەھێ و پارێزنامەیا خوە پێشکێش بکە. لێ ھەسڤەرۆکا ھەدەپێ پەروین بولدان تەکەز کر، ئەو ناچن دادگەھێ و پارێزنامەیا دۆزا گرتنا ھەدەپێ پێشکێش ناکن.
بولدان ئیرۆ ل ئەنقەرێ د جڤینا دانەناسینا کاندیدێن ژن پارلامەنتەریێ یێن پارتیا کەسکا چەپ دا ئاخڤی و گۆت، ئەو دێ پارێزنامەیا خوە ل مەیدانێن ھلبژارتنێ راگھینن.
ھەدەپێ بەری نھا ژ دادگەھا دەستوورێ خوەستبوو کو دۆزا گرتنا وێ پشتی ھلبژارتنێن 14 گولانێ ب رێ ڤە بچە لێ دادگەھا دەستوورێ ئەڤ داخوازە رەد کربوو.
پارتیا چەپا کەسکان جڤینەک ل دار خست و کاندیدێن ژنێن پارلامەنتەریێ دان ناسکرن. بەردەڤکا پارتیا چەپا کەسکان چیگدەم کلچگون ئوچار، ھەڤسەرۆکا گشتی یا ھەدەپێ پەرڤین بولدان و ھەموو کاندیدێن ژنێن پارتیا چەپا کەسک بەشداری جڤینا ل ئەنقەرەیێ بوون.
