ھێزێن ئەولەکاریێ یێن ترکیێ ل دژی ھەژمارەکە مەزن ژ سیاسەتمەدار، پارێزەر و رۆژنامەگەرێن کورد دەست ب ئۆپەراسیۆنەکە بەرفرەھ کر و نێزکی 150 کەسان ل دیاربەکر، مێردین، رحا و ئێلھێ بنچاڤ کرن.
د چارچۆڤەیا لێپرسینا سەردۆزگەریا کۆمارێ یا دیاربەکرێ دە، ھێزێن ئەولەکاریێ یێن ترکیێ ئیرۆ دانێ سبێ ئاڤێتنە سەر مالێن رۆژنامەڤانێن ئاژانسا مەزۆپۆتامیایێ، رۆژنامەیا خوەبوونێ و ھەژمارەکە مەزن ژ سیاسەتمەدار و پارێزەر و نوونەرێن سەندیکایان.
ل گۆر زانیاریان، ھەتا نھا نێزکی 150 کەس ھاتنە بنچاڤکرن و تێ چاڤەرێکرن کو ھەژمارا بنچاڤکریان زێدەتر ببە.
کۆمەلەیا یاساناسێن ئازادیخواز راگھاند، ل دیاربەکر، ئێلھ، مێردین، رحا و ل گەلەک باژارێن دن، ھەژمارەک مەزن ژ رۆژنامەڤان، ھونەرمەند و سیاسەتمەداران ژ ئالیێ ھێزێن ئەولەکاریێ ڤە ھاتنە بنچاڤکرن.
کۆمەلەیا یاساناسێن ئازادیخواز گۆت ژی: “ئەم ل ھەمبەری ئۆپەراسیۆنا سیاسی یا کو د پێڤاژۆیا ھلبژارتنێ دە ل دژی کۆمەلەیا مە و ئەندامێن مە تێ کرن، بێدەنگ نامینن.”
ھات راگھاندن ژی، ھەڤدیتنا ب پارێزەران رە، ژ بۆ 24 دەمژمێران ھاتیە ئاستەنگکرن.
