پەیمانا ناڤبەرا جەهەپێ و قەندیل دە چیە؟

پەیمانا ناڤبەرا جەهەپێ و قەندیل دە چیە؟

ل ترکیێ و باکورێ کوردستانێ ژ بۆ ھلبژارتنا د پێڤاژۆیا پرۆپاگاندەیان دە گەلەک تشت تێنە گۆتن. ھدەک هەڤپەیمانی پێکھاتنە و ھەموویان ژی ناڤەرۆکا هەڤپەیمانیا خوە ئەشکەرە کرنە. لێ تەنێ ل ھەڤھاتنا ناڤبەرا ھەدەپێ و جەهەپێ دە نەھاتیە ئەشکەرە کرن. ئەڤ یەک گەلەک جاران د ناڤا دەنگدەرێن ھەدەپێ و ھندەک بەرپرسیارێن ھەدەپێ دە ژی تێ گۆتوبێژ کرن.

ھەری داوی ئەردۆگان ژی د ئاخاڤتنەکا خوە دە بەحسا لھەڤھاتنا ناڤبەرا جەهەپێ و ھەدەپێ دە کر و گۆت: کەمال کلچدارۆغلو سۆزێن مەترسیدار دانە باسکێ سیاسییێ پەکەکێ. کلچدارۆغلو بۆ چ ئەشکەرە ناکە کو لگەل ھەدەپێ ل سەر چ رێکەفتیە.

کلچدارۆغلو و جەهەپە قەبوول ناکن کو چ لھەڤھاتنێن نھینی د ناڤبەرا وان و ھەدەپێ دا چێبوونە. لێ ھەڤسەرۆکا ھەدەپێ پەرڤین بولدان بەرسڤا ئەردۆگان دا و گۆت: دبێژن د ناڤبەرا ھەدەپێ و ھەڤپەیمانیا ملەت دە ل پشت دەریان بازارەکە کرێت ھاتیە کرن. ھەدەپێ چ جاری و ل چ جھان ل پشت دەریان بازارێن کرێت نەکرینە و ناکە. مە چ کربە ب زەلالی کریە. دەما دیتن ل سەر دەستهەلاتێ نامینن، جارەکە دن دەست ب بوخاتانێن ل دژی ھەدەپێ کرن. داخوازا دەنگان ژ وەلاتیان دکن. لێ ئەم ژی دبێژن دڤێ ئاک پارتی داوی وەرە و ئەردۆگان بچە.

د راستیا خوە دە ژی چ ھەڤپەیمیەک ناڤبەرا جەهەپێ و ھەدەپێ دە نە ئەشکەرە و نە ژی نەھینی چێنەبوویە. لێ پەیمانەک نھینی د ناڤبەرا قەندیل و جەهەپێ دە چێبوویە. نھێنیە و ھەردو ئالی ژی نکارن ڤێ یەکێ ژ بەری ھلبژارتنا ئەشکەرە بکن. لێ ئەگەر کلچدارۆغلو سەربکەڤە دێ بەرھەمێن ڤێ پەیمانا ڤەشارتی دەرکەڤن ھۆلێ.

ل گۆرا ھندەک ئاگاھیێن کو ژ ناڤا جەهەپێ و ھەروەھا ژ ھندەک کەسایەتێن کو د ناڤا پەکەکێ دە نە و د ناڤا جڤاتا ھەدەپێ دە ل سەر ناڤێ قەندیل فەرمانا ددن و پرۆپاگاندەیێ دکن، د جڤاتێن تەنگ دە دبێژن کو، کلچدارۆغلو سەربکەڤە قەندیل دبە شریکێ دەستھلاتێ.

د راستیا خوە دە ژی دەما مرۆڤ ل بەربژێرێ پارتیا کەسکا چەپ دنێرە ژ 60% ترکن و چەپن. ھندەک ژ وان ژی کەمالیستێن توندن و ئەو ژ بۆ کو د دەستھلاتێ دە جھ بگرن ھاتنە دەستنیشان کرن. حەسەن جەمال، جەنگیز چاندار ژ بۆ چ بوونە بەربژێرێن پەکەکێ؟

رۆژەڤا کورد

پوستێن ھەمان بەش