ئەندامێ دامەزرنێرێ پەکەکێ دووران کالکان د رۆژنامەیا ئۆزگور پۆلیتیکایێ یا پەکەکێ دە مەقالەیەک نڤیساند. نڤیسا کالکان یا کو تێ دە ھلبژارتنێن ترکیەیێ نرخاندی، ب ناسناڤێ سەلاحەدین ئەردەم ھات وەشاندن. کالکان ب ڤێ نڤیسێ ڤە داخویانیێن خوەیێن پێڤاژۆیا ھلبژارتنێ دە کری بەرووڤاژی کرن و گۆت کلچدارۆغلو وەکە کاندیدەکی خەلەت بوو. بانگەوازی ل دەمیرتاش کر کو خوە رەخنە بکە.
کالکان رەخنە ل خوە نەگرت و گۆت، “پۆلیتیکایا مەیا ھلبژارتنێ راست بوو”
دوران کالکان د نڤیسا خوە دە دەستنیشان کر کو د ھلبژارتنێ دە دو لایەن سەرکەفتنە، ئەردۆگان ل ترکیێ و یەسەپە ل کوردستانێ ب سەرکەتییە.
د دەما ھلبژارتنێ دە ھەدەپێ ھەم ل باژارێن کوردستانێ و ھەم ژی ل ترکیەیێ پڕ دەنگ وندا کرنە. گەر بەندا %10 نەھاتبا راکرن، یەسەپە نکاریبوو بکەڤە مەجلیسێ. ھەرکەسی رەخنە ل دەستنیشان نەکرنا کاندیدەکێ جودا ژ ئالیێ ھەدەپێ-یەسەپێ ڤە و هەڤپەیمانیا لگەل پێکھاتەیێن چەپێن ترک ھاتی کرن رەخنە دکر. کالکان کارڤەدان نیشانی ڤان رەخنەیان دا و گۆت کو پۆلیتیکایێن ھلبژارتنێ راستن. کالکان گۆت، “تێگھشتن و ھەولدانا یەکبوونا تەڤگەرا چەپ-سۆسیالیستا ترک د ناڤا تفاقەکا ھەڤپار دە راست بوو. ھەر وھا د داویا داوین دە ژی سیاسەتا پشتگریکرنا کاندیدێ هەڤپەیمانیا ملەت ژی راست بوو.” ب ڤێ ھەلوەستا کالکان دەرکەت ھۆلێ کو ئەو ھەموو رەخنەیێن گرسەیا ھەدەپێ کری پەکەکە قەبوول ناکە.
کالکان: یێ کو د ھلبژارتنێ دە وندا کریە کلچدارۆغلویە
دوران کالکان، ئانی زمان کو یێن وندا کرنە “کلچدارۆغلو و هەڤپەیمانیا ملەتە” کالکان د نڤیسا خوە دە گۆت؛ ئەنجامێن ھلبژارتنێ ب یەسەپێ ڤە نەگرێداینە بەرپرسێن بنکەتنێ جەهەپە و کلچدارۆغلو نە. دەولەتا کو د قرکرن و شەری دە ب ئیسرار بوو، نە ئامادە بوو سەرۆککۆمارییێ بدە “کلچدارۆغلویێ کو کورد، عەلەوی و دێرسمییە.”
کالکان بانگ ل دەمیرتاش کر کو خوە رەخنەکرنێ بکە
کالکان د داویا نڤیسا خوە دە دەمیرتاش وەکە “ھوورگلی” ب ناڤ کر و ب ئاوایەکی نەراستەراست گۆت کو ئەو ب بریارا دەمیرتاشا “دەست کێشان ژ سیاسەتا ئەکتیف” رازی نە. ھەر وھا کالکان گۆت، “د شەرت و مەرجێن ھەیی دە مەجالێ سیاسەت کرنێ نەمایە. و ھەمان دەم دە کالکان گۆت “دەمیرتاش نھا ژ سیاسەتا ئەکتیف ڤەکشیایە، لێبەلێ دڤێت ئەو کار و بارێن خوەیێن بەرێ رەخنە بکە” ژ بۆ خوەرەخنەکرنێ بانگ ل دەمیرتاش کر.
ئاخافتنا کالکان تێ چ واتەیێ؟
چاڤکانیێن کو پەکەکێ ژ نێز ڤە دشۆپینن، دیار دکن کو ل گۆری داخویانیێن کالکان و رێڤەبەرێن پەکەکێ؛ “مینا کو پارا پەکەکێ د بنکەتنا کوردان یا د ھلبژارتنێ دە تونەیە، تەڤگەریا.”
چاڤدێرێن سیاسی دیار دکن کو پەکەکە ژ بلی خوە ھەر کەسی تاوانبار دکە و بانگ ل ھەموو ئالیێن سیاسی دکە کو خوە رەخنە بکن، لێ خوە وەکە “شیری” پاک و سپی دبینە.
کالکان د نڤیسا خوە دە مینا ھەر جار بانگی گەل کر کو ل بەر خوە بدە.
