دادگەھا دەستووری یا ترکیێ (AYM) داخوازا بلۆککرنا حەسابا دارایی یا پارتیا دەمۆکراتیکا گەلان (ھەدەپێ) کو ژ بەر ھلبژارتنان 400 ملیۆن و 228 ھەزار لیرە کەتبوو حەسابا پارتیێ، رەد کر.
ل گۆر نووچەیا خەبەرتورک، دادگەھا دەستووری بریار دایە کو پێویست ناکە بلۆکە دەینن سەر حەسابا پارتیا دەمۆکراتیکا گەلان (ھەدەپێ).
سەردۆزگەریێ د داخوازا خوە دە بال کشاندیە سەر وێ یەکێ ھەدەپە د ڤان ھلبژارتنان دە نەکەتیە ھلبژارتنان و ژ بەر ڤێ یەکێ، ئەو پەرەیێ ب قاسی 400 ملیۆن و 228 ھەزار لیرە کو وەک ئالیکاریا دارایی کەتیە حەسابا ھەدەپێ، بهێت بلۆککرن.
ل گۆر یاسایا پارتیێن سیاسی، د دەما ھلبژارتنان دە ئالیکاریا دارایی یا ژ بۆ پارتیان 3 قات زێدە تێ دایین، د ڤێ چارچۆڤەیێ دە ب گشتی 600 ملیۆن و 343 ھەزار لیرە ئالیکاریا دارایی کەتە حەسابا ھەدەپێ دە، لێ بەلێ سەردۆزگەری داخواز دکە کو ئالیکاریا دارایی یا 400 ملیۆن و 228 ھەزار لیرە، بۆ خەزینەیا دەولەتێ بهێت ڤەگەراندن.
