دادگەھا ئەنقەرێ دۆزا ئاشکەرەکرنا جھێ گۆرا شێخ سەعید و 46 ھەڤالێن وی رەد کر. رێڤەبرێن کۆمەلەیا شێخ سەعید و پارێزەرێن دۆزێ ژی دبێژن، ئەوێ پێڤاژۆیا حقووقی یا دیارکرنا جھێ گۆرێن نرخێن گەلێ کورد بدۆمینن.
کۆمەلەیا شێخ سەعید؛ ژ بۆ دیتن و دیارکرنا گۆرا شێخ سەعید و 46 ھەڤالێن وی یێن کو ژ ئالیێ ترکیێ ڤە ھاتبوون بدارڤەکرن؛ دۆز ل وەزارەتا ناڤخوەیی یا ترکیێ ڤەکربوو و داخواز کربووم کو جھێ گۆرا شێخ سەعید و 46 ھەڤرێیێن وی بێن ئاشکەرە کرن. لێ ئیرۆ ل ئەنقەرێ دادگەھێ ب ھنجەتا کو د ئارشیڤا وان و بەلگەیێن فەرمی دە ئاگاھیەکە وھا تونە یە، دۆز رەد کر.
رێڤەبرێن کۆمەلەیا شێخ سەعید و پارەزەرێن دۆزێ ژی ل سەر مەدیا جڤاکی راگھاندن، بێیی کو لێکۆلینەکە ب رێک و پێک بێ کرن، دۆز ھاتیە رەدکرن، لێ ئەوێ پێڤاژۆیا حقووقی یا دیارکرنا جھێ گۆرێن نرخێن گەلێ کورد، بەردەوام بکن ھەتا کو ئەنجامێن حقووقی بێن بدەست بخن.
