یەک ژ رێڤەبەرێن پەکەکێ و ئەندامێ کۆنسەیا رێڤەبەرا کەجەکێ سەبری ئۆک، تەڤلی بەرنامەیا ستێرک تیڤی بوو. ئۆک د ئاخافتنا خوە دە رەوشا عەڤدللا ئۆجالان یا ل ئیمرالیێ نرخاند.
ناکۆکییێن مەزن د ئاخافتنا سەبری ئۆک دە هەبوون، وی ئیدیعا کر کو تەجریدەکا مەزن ل سەر ئۆجالان ھەیە و ئەڤ بانگ کر؛ “چاوا کو فرانسی دەرکەتن کۆلانان دڤێت کورد ژ بۆ ئۆجالان ژی داکەڤن کۆلانان” د ناڤا ڤێ بانگاوازییا سەبری ئۆک دە ناکۆکییێن بەربچاڤ ھەنە.
پەکەکێ ژ کیڤە ئەڤ زانیاری ب دەست خستنە؟
ناکۆکییێن د ئاخافتنا سابری ئۆک دە ھەیی ژی بالکێش بوون.
ئۆک د ئاخافتنا خوە دە یەکەمجار گۆت کو 28 مەھن لگەل عەڤدللا ئۆجالان ھەڤدیتن پێک نەھاتییە. د جھ دە ل سەر ئۆجالان ئاگاھیێن نوو بەلاڤکرن. سەبری ئۆک بال کشاند سەر ڤان گۆتنان: “ژ ئالیێ دەولەتا داگیرکەر و رێڤەبەریا ئیمرالیێ ڤە نامەیێن بێناڤ و ناڤنیشان ژ بۆ رێبەر ئاپۆ ھاتنە شاندن. د وان نامەیان دە ژ رێبەر ئاپۆ رە تێ گۆتن، “ئەم دێ ژەھرەکا وسا بدن تە کو تو ب وێ ژەھرێ بمری. ئەو کێزکێن کو جەسەدێ تە بخون ژی دێ ب وێ ژەھرێ مرن.” دیسا د نامەیان دە ھاتییە گۆتن؛ “تە ھای ژی نابت لێ تو رۆژ ب رۆژ دێ بەر ب مرنێ چی.”
داخویانییێن سەبری ئۆک د ناڤ کوردان دە بوو مژارا نیقاشێ. رایا گشتی دپرسە ئەگەر ھەڤدیتن لگەل ئۆجالان نەبە، سەبری ئۆک ئەڤ زانیاریە ژ کو وەرگرتیە؟
ژ سالا 1999 و ڤر ڤە پەکەکە گەلەک داخویانیێن وەکە “ل ئیمرالیێ تەجرید ھەیە، زانیاری ژ رێڤەبەریا مە نینە، ئیشکەنجە ل رێبەرتیا مە تێ کرن، رێڤەبەریا مە تێ ژەھری کرن” ددە. ب دەمێ رە دەرکەت ھۆلێ کو ئەڤ ھەموو زانیاری دەرەون، ئۆجەلان نەھاتییە ژەھری کرن و تێکلیا وی لگەل رێخستنا وی قەت قوت نەبوویە.
میناک د 24 ئادارا 2018 دە، چەند رۆژان پشتی ڤەکشینا ھێزێن پەکەکێ ژ عەفرینێ و ژ ئالیێ ترکیێ ڤە ھات داگیرکرن. پەکەکێ داخویانیەک دا و گۆت: “د ناڤبەرا ترکیێ و رووسیایێ دە ھەڤپەیمانیەکا ستراتەژیک ھاتیە چێکرن. ژ بۆ راوەستاندنا بەرخوەدانا عەفرینێ وەکە شاند چوونە ئیمرالیێ.” تێ زانین کو ئەڤ ئاگاھی تەنێ ب رێیا کانالا دەولەتێ دکارە بگھێژە پەکەکێ.
ھات زانین کو د ناڤبەرا سالێن 2010-2012 دە دەما دھات گۆتن کو ل ئیمرالیێ تەجرید ھەیە، رایەدارێن پەکەکێ و میتێ ھەڤدیتن پێک د ئانین و ژ ئیمرالیێ رۆژانە نامە بۆ قەندیلێ رێدرکرن.
ھەر وھا سەبری ئۆک کەسەکی پڕ گرینگە ژ بەر کو ئۆک ئەو کەسە کو عەڤدلا ئۆجالان دگۆتێ “سەبری نوونەرێ منێ ترکیەیێ”یە. دەما کو ئۆجالان ل ئیمرالیێ بوو، سەبری ئۆک گەلەک جاران چوو لگەل ئۆجالان ھەڤدیتن پێک ئانی. سەبری ئۆک ژ ئالییێ میتێ ڤە ژی وەکە کەسەکی پێباوەر دهێت پەژراندن و بێناڤبەر پەیوەندی لگەل هەنە. یا راستی دبێژنە سەبری ئۆک “مرۆڤێ میتێ یێ د ناڤا پەکەکێ دە.”
ھەر وھا تێ زانین کو سەبری ئۆک د سالا 2017 دە دەرباسی رۆژئاڤا بوویە و ل ور ژی لگەل میتێ ھەڤدیتن پێک ئانیە.
ژ بەر ڤێ سەدەمێ تێ فکرین کو ناکۆکیا د گۆتنێن سەبری ئۆک دە نە خەلەتیەکا بلێڤکرنێ بت. وسا دخویە کو دیسا د ناڤبەرا پەکەکێ و دەولەتا ترک دە ترافیکا ھەڤدیتنان بەردەوامە. لێ ڤێ جارێ ژ رایا گشتی تێ ڤەشارتن.
