ژ بەر شەرێ پەکەکێ و ترکیێ ب سەدان دۆنم دارستان شەوتین 

د ئەنجاما شەرێ ناڤبەرا پەکەکێ و ترکیێ دە ب سەدان دۆنم دارستان، باخچە و زەڤیێن وەلاتیان شەوتینە.

ئیرۆ 61/7/2023 بەردەڤکێ رێڤەبەریا بەرەڤانیا باژاری ل پارێزگەھا دوھۆکێ بێوار عەبدولعەزیز راگھاند: “ئارتێشا ترکیێ تۆپەک ل دۆرووبەرا گوندێ بەرچێ دەڤەرا ئامێدیێ خستیە و بوویە ئەگەر ئاگر ب دارستان و پاوان و باخ و رەزێن وەلاتیان ل گوندێ بەرچێ و سەرگەلی بکەڤە و ھەتا نوکە ب سەدان دۆنمێن دارستانێن ھەرێمێ ھاتنە شەوتین و ھەژمارەکا مەزنا باخ و رەزێن وەلاتیان ژی ھاتینە سۆتن، ئەڤە دوو رۆژن ئاگر بەربوویە دارستانێن ئامێدیێ.”

ھەروھا بێوار عەبدولعەزیز گۆت: “ئاگر ھەتا نھا نەھاتیە کۆنترۆلکرن ژ بەر کو جھەکی زەحمەتە و تیمێن بەرەڤانیا باژێری ب بەردەوامی ھەولێن کۆنترۆلکرنا ئاگری ددن.”