دەزگەھێ لێکۆلینێ “ئۆپتمار” راپرسینەک پێکانی. راپرسین ل گەل 2 ھەزار و 350 کەسان رووبروو ھاتە کرن. راپرسین ناڤبەرا 10-14 تەموزێ دە پێکھات.
پرس ئەڤە بوو: ژ بۆ چ وەلاتیان دەنگێن خوە دانە ئەردۆگان و پارا ھەری مەزن د ونداکرنا ئۆپۆزسیۆنێ دە کی و چیە؟
ل گۆری راپرسینێ؛ “چما وە د ھلبژارتنێن 28 گولانێ دە دەنگێ خوە دا ئەردۆگان؟” ژ سەدی 21.6 گۆتنە: مە ب باوەری دەنگ دانە ئەردۆگان و ئەم پێ باوەرین.” ژ سەدی 17.7 گۆتینە “رێڤەبەریەک سەرکەفتی ددە نیشاندان” ژ سەدی 17.3 “پاراستنا ئیستقرارێ”؛ ژ سەدی 9.6 ژی بەرسڤ دا کو ئەو پشتگریێ نادن تێکلیا جەهەپێ-ھەدەپێ.
یێن کو دبێژن “خزمەتکار بن” ب ژ سەدی 9.1 رێژەیەک گرینگ دگرن، یێن کو دبێژن “ژ بۆ پێشەرۆژێ پرۆژە دانانە” ژ سەدی 6.3 د رێزێ دە نە.
ئیستقرار و داخوازا بەردەوامیا ئیقتیدارێ ب رێژەیا ژ سەدی 5.0 د رێژەیەکا گرینگ دەیە. پەژراندنا پۆلیتیکا و پێکانینێن ل گۆری نێرینێن ئۆلی ژ سەدی 4.2 دەنگانە.
ژ بۆ چ دەنگ دانە کەمال کلچدارۆغلو:
ژ سەدی 16 بەشداران ژی دبێژن کو وان دەنگێ خوە دایە کلچدارۆغلو ژ بۆ گوھەرتنا حکوومەتا ھەیی.
پۆلیتیکایێن ب ئارمانجا باشکرنا رەوشا ئابۆری ب رێژەیا ژ سەدی 14.2 د رێزا دویەمین دە نە. ل سەر چارەسەریا پرسگرێکا سووریێ ب رێژەیا ژ سەدی 9.9 د رێزا سێیەمین دەیە و بژاردەیا سیاسەتمەدارێ راست و پێباوەر ب سەدی 9.5 د رێزا دویەمین دەیە.
دگەل کو پابەندبوونا وی یا ب پرەنسیب و شۆرەشێن ئاتاتورک، کو ژ بۆ ھلبژێرێن جەهەپێ پر گرینگە، ب رێژەیا ژ سەدی 7.9 د رێزا پێنجەمین دەیە و پشت رە ژی باوەریا کو دێ ئاشتی، ئارامی و دادپەروەری پێک هێت.
سەدەما تێکچوونا ئۆپۆزیسیۆنێ چیە؟
د راپرسینێ دە “سەدەما تێکچوونا ئۆپۆزسیۆنێ چیە؟” ژی ھات پرسین. 25.1% ژ بەشداران دبێژن کو ئۆپۆزسیۆنێ نەکاریە دیتن و سیاسەتەک ب باندۆر پێش بخە.
رێژەیا کەسێن کو دبێژن کاندیدبوونا کلچدارۆغلو سەدەما تێکچوونێیە ژ سەدی 19 یە.
ژ سەدی 19.3 یا بەشداران وەکی سەدەما تێکچوونێ کاندیدبوونا کلچدارۆگلوو نیشان ددن.
د رێزا سێیەمین دە ژی بەرخوەدانا گەلا ژ بۆ گوھەرتنێ ب %12.6 جھ دگرە. پێویستیا حکوومەتێ یا ژ بۆ ئەولەکاری و ئارامیێ ب رێژەیا ژ سەدی 10.5 د رێزا پێنجەمین دەیە، نەبوونا پرۆپاگاندا و ستراتەژیێن مەدیایی یێن ئۆپۆزیسیۆنێ د پێڤاژۆیا ھلبژارتنێ دە ب رێژەیا ژ سەدی 8 د رێزا داوی دەیە.
