د داخویانیا خوەیا دەربارێ شنگالێ دە، سەرۆکوەزیرێ ئیراقێ زەیدی گۆت کو ل سەر رادەستکرنا یەبەشێ و چیایێ شنگالێ ژ ئارتێشا ئیراقێ رە، و ل سەر ئەنتەگرەکرنا ئەندامێن یەبەشێ بۆ ناڤ حەشدا شەعبی، لھەڤکرنەک هاتیە ئەنجامدان. زەیدی راگھاند کو، وەکی بەشەک ژ ڤێ لھەڤکرنێ، ئارتێشا ئیراقێ دێ بارەگەھا باشیکایێ ژی بخە بن کۆنترۆلا خوە.
لێبەلێ، رادەستکرنا ھەڤدەم یا بارەگەھێن شنگالێ و باشیکایێ، وەک بەلگەیەکێ گرینگ بوو کو پێڤاژۆیا دیارکرنا چارەنووسا شنگالێ و پەیمانا رادەستکرنا چیایێ شنگالێ ژ ئیراقێ رە، ژ ئالیێ ترکیەیێ ڤە ھاتبوو رێکخستن.
ئۆجالان، سەرۆکێ پەکەکەیا کو نھا ھاتیە هلوەشاندن، د 30ی ئیلۆنێ دە نامەیەک ژ بۆ گەلێ شەنگالێ شاند، و تێ دە بانگ کر کو شەنگال ژ بۆ ئیراقێ بهێتە ڤەگەراندن و ‘مۆدەلا ترکیێ’ بهێتە جیبجیکرن. نامەیا ئۆجالان بوو بەلگەیەک گرینگ کو پێڤاژۆیا بریارگرتنێ یا دەربارێ چارەنووسا شەنگالێ دە ژ ئالیێ ئۆجالان و رێخستنا وی ڤە رادەستی دەولەتا ترک ھاتبوو کرن.
دەما کو داخویانیێن زەیدی ل گەل یێن دەولەتا ترک و ئۆجالان تێن هەڤبەرکرن، دکارە وەرە گۆتن کو چارەنووسا شنگالێ نە ژ ئالیێ ئێزدی یان ژی کوردان ڤە، لێ ژ ئالیێ ئیراق و دەولەتا ترک ڤە تێ دیارکرن.
ئەرکا پەکەکێ یا شنگالێ و پرۆژەیا رێیا گەشەپێدانێ
د نرخاندنا خوە دە، زەیدی، دەما کو ل سەر ئابۆریا ئیراقێ شیرۆڤە دکر، ھەر وھا ب گۆتنێن خوەیێن ل سەر دو مژارێن کو راستەراست ب کوردستانێ ڤە گرێدایی نە، بال کشاند سەر خوە.
