دەولەتا ترکیێ راگهاند یەک ژ بەرپرسێن پایەبلندێن پەکەکێ ل چیایێ گارە یێ باشوورێ کوردستانێ کوشتیە کو بەرپرس بوویە ژ دەرکرنا تەعلیماتێن شەوتاندنا دارستانێن ترکیێ ل سالا 2021.
ل گۆری نووچەیەکا ئاژانسا فەرمی یا دەولەتا ترکیێ ئانادۆلو، بەرپرسەکی پەکەکێ یێ ب ناڤێ ئوزگور ئالپارسلان یێ ب کۆدناڤێ “ئوزگور شۆرەش” کو بەرپرسیارێ ترکەیێ یێ پەکەکێ/کەجەکێ-یەپەسێ یە بەری دەمەکێ ژ ئالیێ میتێ ڤە ل چیایێ گارە هاتیە کوشتن.
ل گۆر ئاگاهیێن ئاژانسا ئانادۆلو، ئۆزگور ئالپارسلان تەعلیماتا شەوتاندنا دارستانان دایە کو د سالا 2021 دا ل ماناڤگاتا ناڤچەیا ئانتالیایێ و ل موگلا، مێرسین و ھاتایێ ژ 150 ھەزار ھەکتاران زێدەتر دارستان شەوتین.
