گرووپێن چەکداران یێن ئۆپۆزیسیۆنا سووریێ یێن دگەل ئارتێشا ترکیێ دە ھەرێما عەفرینێ داگیر کرنە، 7 کەس رەڤاندن.
رەوانگەھا سووری یا مافێن مرۆڤان بەلاڤ کر، ب ئارمانجا ستاندنا فدیەیێ ژ وان، گرووپا “پۆلیسێن لەشکەری” 7 کۆچبەرێن کو ژ ئالیێ ترکیێ ڤە بۆ عەفرینێ ھاتبوون ڤەگەراندن، رەڤاندن.
ل گۆر زانیاریێن رەوانگەھێ، کەسێن ژ ئالیێ دەستھلاتێن ترکیێ ڤە ھاتنە دەرسینۆرکرن، کەسەک ژ وان ژ ناڤچەیا شیێ یە و 6 کەس ژی ژ گوندێ جەلەمێ یێ ل ناڤچەیا جندرێسێ نە. ھەتا نھا ژی چارەنڤیسا وان نە دیارە.
دە دەما داوی دە، حکوومەتا ترکیێ رۆژانە ھەژمارەک پەنابەرێن سووری ڤەدگەرینە ھەرێمێن ئدلب، ئەزاز، سەرێ کانیێ و گرێ سپی. چالاکڤانێن سووری ژی دبێژن، پرۆسەیا ڤەگەراندنا پەنابەران ب دارێ زۆرێ تێ کرن و بانگ ل جڤاکا ناڤدەولەتی دکن کو ب ئەرکێ خوە ل ھەمبەر ڤێ رەوشێ رابن.
ھەفتەیا بۆری ژی رۆژنامەیەکا نێزکێ حکوومەتا ترکیەیێ راگھاندبوو، حکوومەت د مەھا جۆتمەھا بهێت دە دێ ڤەگەراندنا پەنابەرێن سووری بۆ وەلاتێ وان بلەزتر بکە.
