عه‌باسێ بێ دۆخین و شه‌لوالێ 15 ته‌باخێ
د سالڤه‌گه‌را 40 ئا ده‌ستپێكرنا شه‌رێ چه‌كدارییێ پارتیا كاركه‌ران و دامه‌زراندنا «H.R.K» ده كو ئیرۆ ناڤێ هه‌په‌گێ ل سه‌ره، دووران كالكان ئه‌ندامێ كۆمیته‌یا ناڤه‌ندییا رێخستنێ ل مه‌دیایا پارتیا خوه ده‌ركه‌ت و به‌حسا هنه‌ك بیرهاتنان كر، وی به‌شه‌كا ئاخافتنا خوه ده گۆ: «ل وێ ده‌مێ ژی وه‌كه ئیرۆ ب ته‌نێ په‌ده‌كێ ب پشتگرییا ده‌وله‌تا ترك ئێریشی مه دكر».
وه‌ختا من ئه‌ڤ یێك خوه‌ندی، ماتمایی مام و گۆتنا كورده‌وارى یا كو دبێژه: «بێ نان و خوێ یان بێ ئه‌ختوبار» ل بیرا من هات.
عه‌باس ئه‌فه‌ندی بلا هه‌ر كه‌س ڤێ گۆتنێ ببێژه ته‌نێ زاتێ ته نه‌به، ل وێ ده‌مێ ئه‌ز ل ور بووم و هوون ژی، مه نان و ئاڤ ب هه‌ڤره خواری یه، تێ بیرا ته وه‌ختا كو ته نه‌دزانی ب كوردی بئاخڤی و من ژ ته‌ره گۆتی «هه‌ڤال چما تو ب كوردى ناپه‌یڤی و وه‌رگێرى ئاخافتنا من ژ بۆی ته وه‌رگه‌راندی و ته ب تركى گو مانێ ئه‌ز نه‌كوردم ئه‌ز تركم و تو هێژان زارۆكى و تو ژسیاسه‌تێ ت تشته‌كی فێم ناكى». ئه‌ڤ ئاخافتنا ته لبیرا منه و ب باوه‌رم هێژان ل بیرا ته ژى مایه.
ده‌ڤ ژ زمانێ كوردی به‌رده عه‌باس، قه‌ی ما ته شه‌لوالێ خوه ژی ژ بیر كر وه‌ختا كو ته بێی دۆخین دایه سه‌ر لنگێن خوه و ده‌وام د كه‌ت عه‌ردێ و تو نه‌چار مایی قاویشێ ل سه‌ر شه‌لوالێ گرێده‌ی، هه‌یا كو من دۆخین ژ ته‌ر ئانی.
به‌لێ توو و سه‌ركردا‌تییا پارتیا خوه باش دزانن ل وێ ده‌مێ ئانگۆ سالا 1983ان وه‌ختا ئیسرائیلێ ئێریشی لبنانێ كری و هه‌ژماره‌كه ئه‌ندامێن پارتیا ته هاتنه كوشتن و بریندار كه‌تین و ژیانا ئۆجالان كه‌تیه د خه‌ته‌ریێ ده و له‌رزك كه‌تیێ و پشتره وه‌ختا هنه‌ك ژ ئه‌ندامێن وه ب دیل كه‌تن ده‌ست ئیسرائیلێ ده، عه‌ڤدللای ته‌نێ فكر ل ره‌ڤیانێ كری و وه ره‌ڤیانا وى وه‌كه به‌رخوه‌دان پێناسه كر، باشترین فكرا كو ژ بۆی عه‌ڤده‌ل چێبووی ئه‌و بوو كو تێكلییان ب ئیرانێ ره چێبكه و ئیران ببه باشترین په‌ناگه‌هـ ژ بۆى ژ به‌ر كو ئیران ل دژی ئیسرائیلێ یه، ئه‌و بوو هه‌ر د زوو ده عه‌ڤده‌ل دو كه‌س ب ناڤێ «محمد قه‌ره‌سه‌نگور و عگید» ب بالافره‌كا سوورى ژ شامێ شاندن ته‌هرانێ، ئارمانج ژ شاندنا وان ئه‌ڤ بوو:
ئارمانجا یه‌كێ: ئاڤاكرنا تێكلییان ب ده‌وله‌تا ئیرانێ ره.
ئارمانجا دویه‌مین: ئاڤاكرنا تێكلییان ب په‌ده‌كێ ره.
ئه‌ڤان كه‌سان كاری ڤان دو ئارمانجان پێكبینن و ئه‌و تێكلی چێبوون و ل وێ ده‌مێ هه‌یا رۆژا مه یا ئیرۆ ژی جمیل باییك ڤان تێكلییان برێڤه دبه.
ل ئادارا 1983ان په‌ده‌كه رازیبوو كو باسكێ وه یێ له‌شكری ل باشوورێ كوردستانێ خوه ب رێخستن بكه و په‌ده‌كێ بریار دا ب هه‌ر ئاوایه‌كی ئالیكاری ژ وه ره بێ كرن لوجستى و له‌شكری، تو باش دزانى كو هوون ب خێرا په‌ده‌كێ و پێشمه‌رگێ كوردستانێ فێری شه‌رێ گه‌ریلاتیێ بوون. تو باش دزانى پشتى وێ په‌یمانێ، ئۆجالان بریارا شاندنا هێزه‌كه گه‌ریلا ب سه‌رپه‌رشتیا «كالكان، سلێمان و ته‌رزى جمال» كو هوون هه‌موو ئه‌ندامێن كۆمیتا ناڤه‌ندی بوون، ئاغایێ عباس لبیرا ته‌یه به‌ریا هوون خوه ب رێخستن بكن، عه‌ڤده‌لی جڤینه‌ك ب وه كر و ئه‌ڤ ئاخافتن ژ وه ره گۆت: «باش بزانن و خوه گێل نه‌كن، ئه‌ڤ په‌یمانا مه یا ب په‌ده‌كێ ره ژ نه‌چاری یه و ژبه‌ر ڤێ ئه‌ڤ په‌یمان وێ ده‌مكی به، هه‌یا وێ ده‌ما ئه‌م جیهـ دبن، پێویسته ل سه‌ر وه هوون پڕ د شیار بن و نه‌كڤن ژێر باندۆرا مالا بارزان، ژ به‌ر كو مالا بارزان و په‌ده‌كه هێزه‌كه شیار و خوه‌دی ته‌جرووبه و فێلبازه و پیلانگیره».
باوه‌رم ئه‌ڤ ئاخافتنا عه‌ڤده‌لی هێژان د هشێ ته ده یه و هێژان مینا زه‌نگلا ده‌واران ده‌نگێ وێ د مه‌ژیكێ ته ده یه، ل خوه ب نه‌رن ژ وێ ده‌مێ و هێژان ژی هوون عه‌ینی تشتن، پڕ غه‌دارن.
دووران كالكان ما ژ بیرا ته چوو ل وێ ده‌مێ وه ل بن سیبه‌را په‌ده‌كێ و ب پشتگرییا په‌ده‌كێ ب ڤی ئاوایێ خوه دابه‌ش كر:
دووران كالكان ماته هێزا خوه ل زاپێ نه‌دانا ؟
ما لبیراته نینه ژ سالا 1983ان هه‌یا 14/5/1984ان وه یێك فیشه‌ك ژى نه‌ته‌قاند.
دووران ب ته‌نێ پرسه‌كی من ژ ته هه‌یه: «قه‌ی ل وێ ده‌مێ ئیبراهیم ئایدن ژ بۆی چ سه‌ردانا وه كربوو؟»
