بریارا پەدەکێ یا ڤەکرنا 30 بارەگایێن خوە یێن ل کەرکووکێ، د ئەنیا دژبەریا کوردان دە بوو سەدەما کارڤەدانا مەزن. حەشدا شەعبی، ترکومان و عەرەبێن هاوردە دترسیان کو لگەل ھاتنا پەدەکێ سیاسەتا وان یا ئاسیمیلەکرنا “بشافتنا” کەرکووکێ و لاوازکرنا ناسنامەیا کوردی تێک بچە. ل دژی ھاتنا پەدەکێ دەست ب جاددە گرتن و ئالۆزییان کر.
عەرەبێن هاوردە ل بەر جھێ کو بەرێ قادا کارێ ناڤەندی یا پەدەکێ یا کەرکووکێ بوو و نھا وەک فەرماندەیا ئۆپەراسیۆنێن ھەڤبەش تێ ناسکرن، چالاکیا روونشتنێ ل دار خستن. ھەژمارا خوەپێشاندەران دەردۆرا 30 بۆ 40 کەسانە. پرانیا ڤان کەسان عەرەبێن هاوردە بوون، ئەو عەرەبێن کو پشتی خیانەتا 16ێ ئۆکتۆبەرا 2017 حەشدا شەعبی و حکوومەتا عیراقێ ژ دەرڤە ئانینە کەرکووکێ. ھەموو ژی ل دژی کوردانن و گەلەک جاران ل کەرکووکێ و گوندێن دەردۆرا وێ ئاگر بەردان زەڤیێن چاندنییێ یێن کوردان، ژ بۆ رێ ل پێشیا جۆتکارێن کورد بگرن، لگەل ئارتێشا ئیراقێ ئێریشی کوردان کرن.
چەند کۆمێن دن ژی ھەنە کو ژ ڤێ گرۆپا دژە کورد زێدەتر ل دژی ڤەگەرا پەدەکێ نە. د ناڤ ڤان دە یەنەکە و پەکەکە ژی ھەنە. ژخوە ھەر دو پێکھاتە ل سەر خەتا کەرکووک و گەرمیان ب ھەڤ رە تەڤدگەرن. ژ بەر کو ڤەگەرا پەدەکێ ژ بۆ کەرکووکێ دێ بەرکا وان باڤێژە سەر بانی. پەکەکە و یەنەکە ژ عەرەبێن هاوردە توندتر کارڤەدانێ نیشانی ڤەگەرا پەدەکێ ددن.
چاپەمەنیا پەکەکێ ڤێ ئاژاوەگێریا کەرکووکێ ئۆرگانیزە دکە
ب تایبەتی مەدیایا پەکەکێ شەرم نەکر، ب کەلەجان چوون جەم عەرەبێن کو کۆنێن خوە ڤەدانە ژ بۆ پەدەکە نەیێ کەرکووکێ. و مانشەتێن “گەلێ کەرکووکێ ل ھەمبەر ھاتنا پەدەکێ کارڤەدان نیشان دا.” بەلاڤکرن. یێن ل وێ دەرێ ئاژاوەگێریێ دکن نە خەلکێ کەرکووکێ نە، بەلکو ئەون یێن کو دخوازن ببنە جەلادێن کوردان. پەکەکە دژمنێن کوردان وەک ھەموەلاتیێن بێگونەھ نیشان ددە.
مالپەرا نووچەیان یا پەکەکێ رۆژ نیوس کو ل سلێمانیێ وەشانێ دکە ڤان بوویەران رۆژانە ئۆرگانزە دکە. ل گۆری نووچەیا رۆژ نیوسێ، خوەپێشاندەران دگۆتن، “پەدەکێ ل ھەمبەری مە تاوان ئەنجام دایینە و دڤێت دەربارێ وان دە لێپرسین بێ دەستپێکرن.” تاوانا پەدەکێ ئەوە کو رێیا سەرخوەبوونا کوردستانێ نیشا کوردان دا و ب گشتپرسییێ تاپۆیا دەولەتبوونێ دا دەستە ملەتێ کورد. چاپەمەنییا پەکەکێ ل گۆری فەرمانا جەمیل بایک، مستۆ قاراسوو وەشانێ دکە. لەوما ژی خەباتکارێ مەدیایێ یێ ب ناڤێ سەیید ئەڤران کو یەک ژ کادرۆیێن پەکەکێ یە، گۆتبوو “بلا بەغدا مەسعوود بارزانی دەستەسەر بکە”.
مەدیایا پەکەکێ یا ل کەرکووکێ ئاگرێ خیانەتێ و فەسادییێ گوور دکە .
پەکەکێ تەڤگەرا ئازادی ژ بۆ خوەپێشاندانێن ل دژی پەدەکێ ئەرکدار کر
ھەروھا ئاگاھیێن ھەرێمی دیار دکن کو پەکەکێ ل ئۆفیسا تەڤگەرا ئازادی یا سلێمانیێ چالاکە و ل دژی ڤەگەراندنا پەدەکێ پلانا چالاکیێ ئامادە دکن. د ناڤا ئاگاھیێن کو ھاتن بدەستخستن دە ژات ئەشکەرە کرن، ئەندامێ یەکینەیا دیپلۆماسیێ یا تەڤگەرا ئازادی ھسەر کەرکووکی لگەل کۆمەکا ب ناڤێ یەکیتیا گەلان کو لگەل کۆمەکا عەرەبان ئاڤا کریە دە ھەڤدیتن ئەنجام دایە و بانگا چالاکیا ھەڤپار کریە.
پشتی خیانەتا 16 ئۆکتۆبەرێ یا کەرکووکێ، یەنەکە دیسا ل سەر خەتا خیانەتێ دمەشە
رەوشا یەنەکێ د لووتکەیا رەزالەتێ دایە. یەنەکە ژ بۆ کو رێگری ل ھاتنا پەدەکێ بۆ کەرکووکێ بکە ل بەغدایێ دیپلۆماسیێ دکە. ھەروھا ئیرۆ ژی داخویانیەک دا و گۆت، ھاتنا پەدەکێ بۆ کەرکووکێ پرسگرێکێ ژ بۆ خەلکێ کەرکووکێ چێدکە. ژ خیانەتا کەرکووکێ یا سالا 2017 ڤە، یەنەکێ ل کورکووکێ پێشییا بنپێکرنا مافێن کوردان نەگرتییە بەرووڤاژی بەرێ جوانێن کورد دایە پێکھاتەیا دژمن یا ب ناڤێ حەشدا شەعبی.
ھەلبەت چوونا پەدەکێ بۆ کەرکووکێ دێ باندۆرەکا ئەرێنی ل ھلبژارتنێن مەجلسا پارێزگەھێن ئیراقێ بکە. پشتی خیانەتا کەرکووکێ، خەلکێ کەرکووکێ دیتن کو یەنەکە و پەکەکە مل ب ملێ حەشدا شەعبی دمەشن، نھا ڤەگەرا پەدەکێ دێ لیستکا ل کەرکووکێ کو یەنەکە و پەکەکە ژی بەشەکە وێ نە، ژ ناڤ ببە.
