بووبێ ئەسەر
سیگنال ئانکو ئیشارەتێن کو دێ ئیستیفزازێن مەزن، ل گۆر گۆتن و رێ نیشاندانا داگیرکەران و ب دەستێ پەکەکێ-ھەدەپی پێک بێن، تێنە دیتن…
ژ بەر ڤێ دڤێت ھەمی کوردێن ژ خوە و وەلاتێ خوە حەز دکن، شیار بن و خوەدی ل ھەبوونا خوە ئانکو ل باشوورێ کوردوستانێ دەرکەڤن.
لیستک مەزنە ژ بەر کو پەکەکە ئێریشێن خوە یێن داوی دکە کو باشوورێ کوردستانێ نەبە دەولەتەک کوردی یا سەربخوە.
پەکەکە ژ بۆنا ھێژایێین کوردان و کوردستانیان تێک ببە، ھاتیە دامەزراندم. نە کو ئەز ڤێ دبێژم. عەڤدللا ب دەھان جاران گۆتیە و نڤیسییە: “ھەتا ئەز و پەکەکە ھەبن، وێ بارزانی (مەبەستا وی کورد) نکاربن دەولەتا کوردی ئاڤا بکن (ئاپۆ)”.
ژ بۆنا سەرکەتنەکە ماییندە ل باکورێ کوردستانێ ب دەست بکەڤە، دڤێت ھەرکەس ئێدی خەتا خوەیا سۆر ب خەتێن ستویر د ناڤبەرا خوە و پەکەکێ ھەدەپێ دە بکشینن. ژ بلی ڤێ تو ھەزار پارتی و تەڤگەرێن نوو ئاڤا بکەی ژی، تو سەرکەتنێ نابینی. رێیا سەرکەتنێ خوە ژ پەکەکێ-ھەدەپێ دوورخستنێ را دەرباس دبە.
ل باکورێ کوردستانێ ھەتا تو و ھوون ب ئەشکەرەیی و زەلالی ھەلوەستا خوەیا ل دژی پەکەکێ-ھەدەپێ دیار نەکن، ھوونێ ھەر ژ چەند سالان جارەکێ پارتیەکە نوو ئاڤا بکن، ھەتا کو ئەو ژی تێک ھەرە.
ھەگەر دەرد و ئێشا پارتی و تەڤگەرێن مە ئازادیا باکورێ کوردستانێ یە، رێیا وێ تەنھا ھەلوەست دانینا ل دژ پەکەکێ-ھەدەپێ را دەرباس دبە. و خوەدی ل ھێژاییێن کورد و کوردستانێ دەرکەتاندن و دامەزراندنا ئەنیەک نەتەوەیی یە.
ئێدی ھەر تشت زەلال و ئەشکەرەیە کو پەکەکە-ھەدەپە چاوا ھاتیە دامەزراندن و ژ بۆنا کێ کار دکە، دیارە. یێن ڤێ زەلالیێ نەبینن دێ د ئاڤا گەمار دە بفەتسن.
تەنھا باشوورێ کوردستانێ وەکە پارچەیەکا ئەردی یا ئازاد د دەستێ کوردان دە مایە. تێکچوونا وێ، تونەبوونا کوردانە. لۆما نھا پەکەکە-ھەدەپە ب ھەمی ھێز و قاوەتا خوە، ب پشتگریا داگیرکەرێن مە، ژ بۆنا باشوورێ کوردستانێ و بارزانیان نەھێلن، ب ھەمی قاوەتێن خوە ل سەر کارن.
ل باکورێ کوردستانێ ب رێیا ھەدەپە یا خوە و ل پارچێن دن ژی زارۆکێن مە ل دژ کوردان د ناڤا کارێ تونەبوونا کوردان دە نە. ل باکورێ کوردستانێ ھەدەپە و ل پارچێن دن ژی ب دەستنیشانکرنا پەکەکێ بەرپرس و ئەندامێن خوەیێن بێھنا کوردی ژ وان تێ، ب ئالیکاریا داگیرکەران ب فرۆکەیێن بێ فرۆکەڤان ددن کوشتن. دڤێت کورد ل سەر کوشتنێن کو ڤان دەمان دە پێک تێن راوەستن. ما دژمن ژ کو دزانە کی/ێ ژ کو چوونە کو؟ ئەو ژی ب بالافرێن بێ مرۆڤ وان دکوژن. مادەم ڤێ دزانن چما د چوون و ھاتنا جەمیل بایک، موراد قارایلان و دوران کالکان دە ڤێ ناکن. کوشتنێن بەرپرسێن پەکەکێ یێن ئەڤ دەمەکە دەستپێکرییە، بێ ھەڤکاری نابە و ل گۆر من ئەڤ ژی دبە داوی ئانینا ب کەسێن بێھنا کوردی ژ وان تێ.
سەدەما چالاکیێن پەکەکێ یێن ل دژی باشوورێ کوردوستانێ ئەوە کو پەکەکە و داگیرکەر باش دزانن کو ھەتا بارزانی ھەبن، دێ کورد وەکە کورد بژین و باشورێ کوردستانێ ژی دێ هێت پاراستن.
ژ بەر ڤێ یە نھا پەکەکێ پارتیێن خوە و ھەموو مەدیایێن خوە و ب ھەموو ھێزا خوە، ل باکورێ کوردستانێ ل دژ پەدەکێ و بارزانیان خستیە حەرەکەتێ کو وەکە بێژن باکورێ کوردستانێ ل دژی پەدەکێ و بارزانیانە. لێ د خوەپێشاندانێن وان دە، دیار دبە کو ئێدی گەلێ مە ژی ب ڤان لیستکێن وان حەسیانە، لۆما ژ بلی چەند دایکێن کو زارۆکێن وان د ناڤا پەکەکێ دە نە و نزانن بخوینن، پانکارتێن ل دژی کوردان ددە دەستێ وان و دخن مەشین ل دژی کوردان.
ژ بەر ڤێ یە، ب رەحەتی دبێژم؛ پەکەکە ئێریشێن خوەیێن داوی دکە، د ڤان ئێریشان دە دێ ھەموو وەلاتپارێزێن ناڤا خوە دە ب دەستێ داگیرکەران بدە کوشتن. ژ بەر کو بەری ژ ھۆلێ راکرنا خوە، چقاسی زەرارێ بدە کوردان و ب تایبەتی بدە باشوورێ کوردستانێ ئەڤ دێ ژ بۆنا وان و داگیرکەرێن مە باش بە. نھا ھەبوونا پەکەکێ ئێدی نە د بەرژەوەندیا دەولەتێن مەزن دەیە. ژ بۆنا ڤێ ژی گاڤێن داوی ل پەکەکێ ئانینێ کو د نێزیک دە وێ، وان نەھێلن تێنە ئاڤێتنێ.
لێ پەکەکە و ھەڤالبەندێن خوە، دێ وەکە گەلەک جاران ڤێ جارێ ژی د ھەمی مالخەرابیێن خوەیێن ل دژی کوردان و بارزانیان دە دێ وەندا بکن. ڤان رۆژان ژی وەکە تاڤا ھاڤینێ کو چاوا رۆژ ھێدی ھێدی تاریێ رۆنی دکە، جەمەدا ناڤا مرۆڤان دحەلینە دێ پەدەکە، بارزانی و گەلێ کورد ژی وەھا شەڤرەشا کوردان و یا باشوورێ کوردستانی رۆنی بکن. ئەو رۆژ نێزیکە. دەرد و ئێشا داگیرکەران ژ بەر ڤێ یە. لەورا پەکەکە ژی نھا ب ھەمی ھێزێن خوە، وەلاتپارێزێن ناڤا خوە ب دەستێ داگیرکەران ددە کوشتن و ل باکورێ کوردستانێ ژی ل گەل ھەمی پارتیێن خوە، مرید و سۆفیێن خوە ل دژی پەدەکێ و بارزانیێن پتر ژ سەد سالانە کو ژ بۆنا ئازادی و سەرخوەبوونا کوردوستانێ، بێ وەستان کار و تەکۆشین دانە، ددە مەشاندنێ.
ژ بۆنا تێکچوونا لیستکێن پەکەکێ، ل باکورێ کوردستانێ و دامەزراندنا ئەنیەک کوردستانی ل سەر ھەر کوردەکی وەلاتپارێز فەرزە کو ژ بۆنا وێ کار و خەباتێ بکە. پێشنیار و نەرینێن خوە ئەشکەرە بکن، ھەیە. خورتبوونا تەڤگەرا سیاسی ل باکورێ کوردستانێ پشتگریا باشوورێ کوردستانێ و یا پارچێن دنە. لۆما دبێژم: دەست ژ رەخنەکرنا باشوورێ کوردستانێ بەردن، ل خوە و ل باکورێ کوردستانێ ڤەگەرن دا کو ئەم چاوا ڤر ژ ئالۆزی، تەڤلھەڤیێن پەکەکێ ئازاد بکن و گاڤێن ب لەز بەر ب دامەزراندنا ئەنیەکا نەتەوەیی باڤێژن، بفکرن و بنڤیسینن…
