ل 15 باژارێن ترکیە و باکورێ کوردستانێ، ئیرۆ هێزێن ئەولەهیێ یێن ترکیێ ب «سه‌ده‌ما په‌كه‌كیێ» 37 کەس دەستەسەر کرن.
پشتی ئێریشا 1ێ ڤێ مه‌هێ ل بەر وەزارەتا کارێن ناڤخوە یا ترکیێ کو په‌كه‌كێ بەرپرسیاریا وێ ل خوە گرت، هێزێن ئەولەهیێ یێن ترکیێ ئۆپەراسیۆن دان دەستپێکرن.
هەتا نها زێدەتری 100 کەسان هاتنە دەستەسەرکرن.
وەزیرێ کارێن ناڤخوەیێ ترکیێ عه‌لی یەرلکایا ل سەر حه‌سابا خوە یا مەدیایا جڤاکی نڤیسیە:
«د چارچۆڤەیا ئۆپەراسیۆنان دە ل ستەنبۆل، وان، رها، خارپێت، ئامەد، دوزجە، بورسا، ئەدرنە، کرکلارەل، کلیس، ئیدر، هاتای، ئەدەنە، مەرەش و دەنزلیێ 37 گومانبار هاتنە دەستەسەرکرن».
یەرلکایا هەروه‌ها دیار کر کو د ئۆپەراسیۆنان دە ل پارێزگەها ئاگری دو ئەندامێن په‌كه‌كێ یێن دخوەست ژ سینۆر دەرکەڤن د شەر دە جانێ خوە ژ دەست دایە.
رۆژا دوشەمێ ل باژارێن ستەنبۆل و کرکلارەلییێن ترکیەیێ پۆلیسان ب سەر مالان دە گرتبوو.
هەڤسەرۆکا گشتی یا دادێ کادریە دۆگان، بەرپرس و رێڤەبەرێن هه‌ده‌ك و هه‌ده‌پێ ژی د ناڤ دە هەری کێم 20 کەس هاتبوون ده‌سته‌سه‌ر كرن.
