درۆنەکا بۆمبەبارکری ل نێزیک گوندەکی سەر ب ھەولێرێ ڤە کەتە خوارێ، بێی کو چ زیانەک ژێ دەرکەتبە.
ل گۆر زانیاریێن دژەتەرۆرا کوردستانێ، ئیرۆ رۆژا چارشەمبی 18 جۆتمەھا 2023، دەمژمێر 12:18، درۆنەکا بۆمبەکری ل چۆلا نێزیکی گوندێ باتاسێ یێ سەر ب ناڤچەیا حەریرا ل پارێزگەھا ھەولێرێ کەت و چ زیان ژێ دەرنەکەت.
ئەڤ ئێریش پشتی وێ یەکێ تێ کو بەرپرسێن ئامەریکی ژ بۆی “رویتەرسێ” ئەشکەرا کرین، ئیرۆ ئێریشەک ل سەر ھێزێن وانێن ل بارەگەھا عەین ئەل-ئەسەد ل پارێزگەھا ئەنبار ل رۆژئاڤایێ ئیراقێ تێک بریە.
دان زانین ژی، ئێریش ب رێیا دو درۆنان بوو، لێ ژ ئالیێ ھێزێن وان ڤە بەریا کو بگھن ئارمانجێن خوە، ھاتن خستن.
بەرپرسێن ئامەریکی گۆتن ژی، کو نە دیارە کی ل پشت وێ ئێریشا ب درۆنانە.
ژ دەستپێکا شەرێ د ناڤبەرا حەماس و ئیسرائیلێ دە، گرووپ و ملیسێن چەکدارێن ئیراقی گەفا ئارامنجکرنا بارەگەھێن لەشکەری یێن ئامەریکایێ دکن، ئەگەر راستەراست دەستێوەردانێ د شەرێ ئیسرایلێ دە بکە.
