ل دەڤەرێن د بن کۆنترۆلا ھێزێن سووریا دەمۆکراتیک “هەسەدێ” دە کریزا سۆتەمەنیێ بەردەوامە و وەلاتی گازندان دکن.
ژێدەرەکێ خوەجھی ژ باژارێ منبجێ راگھاند، کریزا سۆتەمەنیێ ل باژارێ منبجێ ب تایبەتییا بانزینێ بەردەوامە، وەلاتی ب دەمژمێرێن درێژ د نۆرەیان دە رادوەستن بۆ بدەستخستنا سۆتەمەنیێ، ئەڤ چەندە ژی ب نەرێنی باندۆرێ ل سەر تەڤگەرا پیشەسازی و بازرگانیێ ل باژێری دکە.
هەر وەها تەکەز کر، چاندنی ژێدەرا ئابۆرییا سەرەکی یا خەلکێ منبجێ یە، سەرەرای بازرگانی و پیشەسازیێ، لەوما خەلک نەچار دبە کو سۆتەمەنیێ ژ بازارێ رەش ب نرخەکی گرانتر دەردۆرا 5 ھەزار لیرەیێن سووری بکرە، ئەڤ چەند ژی زیانێ دگهینە وان.
رۆژا 17 ئێلوونا 2023 رێڤەبەریا پەیەدێ نرخێ بانزینێ کو ژ ئالیێ وێ ڤە تێ دابەشکرن ژ 525 لیریێن سووری بۆ 2100 لیرەیان، یا ل بازارێ تێ فرۆتن ژ 1700 لیرەیان بۆ 4100 بلند کر.
ھەڤدەمێ بەردەوامیا کریزا سۆتەمەنیێ ل باژارێن رۆژئاڤایێ کوردستانێ و دەڤەرێن د بن کۆنترۆلا هەسەدێ دە، رێڤەبەریا پەیەدێ پەترۆلێ ژ دەڤەرێن د بن کۆنترۆلا خوە دە دەرباسی دەڤەرێن رێژیما سووریێ و گرۆپێن چەکدار دکە.
