پارتیا وەلاتپارێزێن کوردستانێ (PWK) ب داخویانیەکی سالڤەگەرا دارڤەکرنا رێبەرێ سەرھلدانا دێرسیمێ سەیید رزا و 6 ھەڤالێن وی ببیر ئانی.

ل گۆر نڤێسینگەها راگەھاندنێ یا پارتیا وەلاتپارێزێن کوردستانێ داخویانیا PWK وەھایە:

86 سال بەرێ، د رۆژا 15/11/1937 دە رێڤەبەرێ قەھرەمانێ سەرھلدانا دێرسمێ سەیید رزا و 6 ھەڤالێن وی، ل ئەلعەزیزێ، ل مەیدانا ئەراسەیا گەنم ھاتن ئیدامکرن.

دەولەتا ترکییەیێ، دگۆت قەی ب کوشتنا سەیید رزا، کورێ وی رەسک حوسەین و حوسێنێ دەمەنانی، حەسەن و سەیید حوسێنێ قورەیشانی، عەلییێ کالانی و فندک ئاغایێ یووسفانی، ئەوێ گەلێ کوردێ قەدیم و خوەدییێ کولتورەکێ ب ھێز قر بکن و ژ ناڤێ راکن.

دەولەتا ترکییەیێ ب دەهان هەزار ژن و زارۆک و کال و پیر دانە بەر گولـلەیان، قەتل کرن.

ب گۆتنا کەسێن کو ب خوە فایل و قەساسێن کۆمکوژیێ بوونە، دەولەتا ترکییەیێ ب ژەھرا مشکان گەلێ مە قر کرنە.

لێ دەولەتا ترکییەیێ ھەر وەکی یێ شێخ سەعید و ھەڤالێن وی، جیھێ تربێ سەیید رزا و ھەڤالێن وی ژی ڤەشارتن و ھەتا ئیرۆ ژی جیھێ گۆرێن وان نایێ زانین. ئەڤ ژی نیشانا وێ یەکێ یە کو دەولەتا ترکییەیێ چقاس ژ رێبەرێن ملەتێ کورد دترسە.

ھەلبەتە کو تێکۆشینا ئازادییا کوردستانێ ب کۆمکوژی و جینۆسایدان رانەوەستییایە.

نەڤییێن شێخ سەعید، سەیید رزا، خالد بەگێ جبری، ئیحسان نووری پاشا، قازی محەمەد، مەلا موستافا بارزانی ئیرۆ ژی ئالایا تێکۆشینێ ل ھەر چار پەرچەیێن کوردستانێ ب خوینا شەھیدان، ب کەد و خەباتا دلسۆزانەیا وەلاتپەروەران ھەر بلند دکن.

د 86ەمین سالڤەگەرە قەتلکرنا وان دە، د شەخسێ سەیید رزا دە ئەم ھەموو شەھیدێن کوردستانێ ب رێز و حورمەت ببیرتینن.

15/11/2023

نڤێسینگەها راگەھاندنێ یا پارتییا وەلاتپارێزێن کوردستانێ (PWK)