ئەندامێ کۆنسەیا رێڤەبەرا پەکەکێ موستەفا کاراسوو د ھەڤپەیڤنەکا خوە یا د مەدیایا پەکەکێ دا ل گۆرا خوە نرخاندنەک درێژ و بێسەروبەر ل سەر رەوشا سیاسی کر و د بەشەکا داخویانیا خوە دە جاردن وەک ئەرکا خوە یا تایبەت بەحسا پەدەکێ کر، ب زمانێ ترکی جارەکە دن ڤەرشیا، کەربا کو پێتڤی بوو ل همبەر دەولەتێن داگیرکەرێن کوردستانێ “ترکیێ، ئیران، سووریێ، ئیراقێ” برێژە ل همبەر پەدەکێ رشت و پر بێ ئەخلاقانە باسی پەدەکێ کر و دەرەوێن خوە یێن ئەڤ هەزار جارە دوبارە دکە، جارەکە دن ژی دوبارە کرن.
مستەفا کاراسوو کەسەکە کو هەیا نها نکارە راست و چەپێن خوە ژ ھەڤ جودا بکە، ئەو ب تەنا سەرێ خوە نکارە تاسەکی ئاڤێ ڤەخوە، لێ د مەدیایا پەکەکێ دە ووسا دەردکەڤە کو کەسەک وی ناس نەکە وێ بفکرە، کاراسوویێ گێژ و هێر نەبە دێ کورد ژ ناڤ چن، دێ قەتلیعامێن مینا حەلەبچێ، دێرسمێ و هتد جارەکە دن ب سەرێ کوردان وەرن.
کاراسوو د مەدیایا پەکەکێ دە ئەوقاس پووزبلند و بێعار د ئاخڤە کو یێن وی ناس نەکن دێ ووسا بفکرن ل چیا و دۆلێن کوردستانێ تۆفان ب سەر لەشکەرێ ترکیێ دە باراندیە، لەشکرێ ترکیێ قڕ کریە، چەکدارێن پەکەکێ ژی ل بەر دەرێ ئانکارایێ نە و نها ئانکارایێ فەتح نەکن دێ دەمژمێرەک دن فەتح بکن، لێ دەما ل راستیێ دنێری هەر تشت بەرەڤاژیە، چەکدارێن کاراسوویێ هێر شوونا ل بەستا، گابار، هەفتەنینێ و هتد شەر بکن، شکەستنە و نها هاتنە مەتینا، گارێ، قەندیلێ و دەڤەرا برادۆست.
چەکدارێن کاراسوو نە ب تەنێ خوە ل باکورێ کوردستانێ نەگرت و هەر دەر تەسلیمی دەولەتا ترکیێ کر بەلکو ل دەڤەرێن سینۆری ژی خوە رانەگرت، نها هاتنە دەردۆرا باژارێن باشوورێ کوردستانێ و دخوازن باژارێن تاکە پەرچەیا ئازادا کوردستانێ ژی بکن قادێن شەر.
کاراسوویێ گێژ د هەڤپەیڤینا خوە دە دبێژە، “ژ شوباتا 2011 ڤە ل هەرێمێن پاراستنێ یێن مەدیایێ شەرەکی مەزن تێ کرن، دەولەتا ترک هەموو دەرفەتێن خوە یێن شەر ب کار ئانی لێ ئەنجام نەگرت”، ئەم ژ کاراسوو و پارتیا وی یا کو تەمسیلا خەتا خیانەتێ د ناڤا کوردان دکە دپرسین، گەلۆ ئەنجام گرتن چەوایە؟ هوون پێش 12 سالان ل کودەرێ بوون و نها ل کودەرێ نە؟ چەکدارێن وە چەند کیلۆمەتر ئازاد کرنە، یان پاراستنە کو ئەوقاس ب بێ ئەخلاقی هوون ڤێ ئاخافتنێ دبێژن، قەی هوون ووسا دفکرن گەلێ کورد ژ غەینی مەدیایا پەکەکێ ل چ مەدیایەکە دن نانێرە و راستیان نابینە؟ هوون ووسا هزر دکن گەلێ کورد ب تەڤاهی مینا چەکدارێن د بن دەستهلاتا وە دە نکارن بگهیژن ئینتەرنەت، رادیۆ تەلەفزیۆن، کۆڤار و هتد؟ ئەڤ چ بێ ئەخلاقیەکە هوون د دەرحەق گەلێ کورد دە دکن، ما گەلێ کورد چ کریە کو راستی پارتی و کەسێن مینا تە خاین، خوەفرۆش و جاشێن دەولەتێن داگیرکەر هاتنە.
کاراسوو وەکە کو گەلێ کورد د خەوەک گران دە بە و چاڤێن خوە ل همبەر راستیێ گرتبن دپەیڤە و دبێژە، گەریلا ل ئالیەکی شەر دکە، ل ئالیەکی ژی ب سالانە تونەلان چێدکە” و ڤان تونەلان وەکە تەرزێ نوو یێ بەرخوەدانێ نیشان ددە، و ب تونەلێن حەماسێ یێن ل غەززەیێ دشوبهینە، کاراسوویێ گێژ ژ بیر کریە کا دەولەتا داگیرکەرا ترکیێ چەند تونەلێن قاراسوو ب جوانێن کورد دای کۆلاندن گرتنە، چەند جوانێن کورد ب دەستێ لەشکەرێ هۆڤێ ترکان هاتنە دەستەسەرکرن، ب برچیتی ژ وان تونەلان هاتنە دەرخستن ب ئاوایەکی کو ژ برچیبوونێ رێڤیکێن وان کولبوونە، وی ژ بیر کریە ئێدی تونەلێن وان بوونە گۆرێن جوانێن بێ ناڤ و نیشانێن کورد؟
حەماسێ ب وێ هۆڤیتیا خوە ڤە مینا پەکەکێ نەکر، چەکدارێن خوە برچی نەکرن و ئەو د تونەلان دە ب تەنێ نەهشتن، لێ پەکەکێ ئەڤ ژی کر، جوانێن کورد کو ب ئەشقا رزگارکرنا کوردستانێ هاتنە خاپاندن تەڤ د تونەلان دە یەکو یەکو تێن گرتن، کوشتن و بێ سەروشوون کرن، کاراسوو و یێن وەکە وی ژی د ڤیلەیێن کو ئیتیلاعاتا ئیرانێ ژ بۆی وان بەرهەڤ کرنە دە دژین و ئاخافتنێن بێ ئەخلاقانە و مەزنتر ژ خوە دکن.
د بەشەکە دن ئا نرخاندنێن خوە یێن بێسەروبەر دە کاراسوویێ کو یەک ژ رێڤەبەر و مرۆڤێن ھەری تاری یێن د ناڤا پەکەکێ دەیە و نەیارێ کوردایە، دیسا ڤەرشییا و ب زمانێ ترکی پەدەکە رەخنە کر، وی گۆت، “ت واتەیا وێ نینە کو مرۆڤ ببێژە پەدەکە وھا دکە، ب ڤی رەنگی دکە. ئەڤانە ب بەلگەیێن زەلال ھاتنە ئەشکەرەکرن. پەدەکە ژ خوە ھەر جورە ئالیکاریێ ددە دەولەتا ترک. بەرێ ژی ل وان دەران تێکیلیێن وێ ب دەولەتا ترک رە ھەبوو. نھا دەرفەتێن نوو ژ بۆ دەولەتا ترک دئافرینە. پەدەکە ل ور کەتیە تەڤگەرێ دا کو دەولەتا ترک ل ھەرێمێ سەروەر ببە. ” لێ هەر کەس دزانە یێ کو کەتیە تەڤگەرێ هەیا کو دەولەتا ترک ل تەڤ کوردستانێ سەروەر بکە کاراسوو و پارتیا وی نە، نە پەدەکە، یێ تەڤ باکور، 50 کیلۆمەترێن باشوور ب دێژاهیا سینۆرێ ب باکور رە، و عەفرین و گرێ سپی و هتد تەسلیمی دەولەتا ترکیێ کرین و هشتی لێ سەروەر ببە پەکەکە یە نە پەدەکە، بانگا هەم ل پەدەکێ هەم ژی ل پەکەکێ ب هەڤرە ب واتەیا نۆرمالیزەکرنا کریارێن پەدەکێ نایێ، نا، ئەڤ ب واتەیا نۆرمالیزەکرنا خەتا خیانێ یا کو کاراسوو و پارتیا وی ل تەڤ کوردستانێ دمەشینن تێ، گەر کاراسوو و پارتیا وی بەلگەیەکە ب تەنێ ژی د دەست دە هەبوویا نها نە جارەکی ب هەزاران جاران پارڤە کربان، لێ ت تشتەک د دەست دە تونەیە، و ب تەنێ نەحەقیێ ل پەدەکێ و حکوومەتا هەرێما کوردستانێ دکە.
گەلەک گرینگە کو کورد ب تایبەتی ئەوێن پشتگریا سیاسەتا پەکەکێ دکن و چەپکا ژ بۆ یێن وەک کاراسوو لێ ددن کاراسو ناسبکن.
موستەفا کاراسوو، ژ باژارێ «سیواسێ» یە و ل گوندەکێ «سیواسێ» ژ دایک بوویە. کاراسوو نە کوردە بەلکو ترکە. کاراسوو چ جارا د ناڤا تەڤگەرا کوردستانێ دا جھ نەگرتبوو. داویا سالا 1979ێ تەڤلی پەکەکێ دبە و سالا 1980یێ ھاتە گرتن و دەمەکێ ما گرتیگەھێ دا. نھا ژی ئەندامێ کۆنسەیا رێڤەبەر یا پەکەکێ یە. کاراسوو نەخوەشیا «ئالزەھایمەر» ھەیە و ئەو تشتا ژ بیر دکە و دەما دئاخڤە پرانیا جارا نزانە چ دبێژە.
ئەرکا وی یا بنگەھین د ناڤا پەکەکێ دا دژاتیکرنا تەڤگەرا ئازادخوازا کوردستانێ یە د بن ناڤێ دژاتیکرنا پەدەکێ.
