p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
شۆفینیزما پارتیا كاركه‌ران!
سمکۆ عەبدولعەزیزی
چما دبێژن ژن ژیانه ؟
ژن ئه‌و ئاده‌میزاده‌یه ئا كو دانه‌رێ ئه‌رد و ئا‌سیمانان ب رییا ژنێ جانی دده وێ كۆرپه‌له‌یێ كو ژ ئه‌نجاما ڤێككه‌فتنا تۆڤێ زلامى و ژنێ و گیانه‌ك ژێ تێ ئافراندن، ئانگۆ ژن دبه یه‌كه‌م خانیێ كو مرۆڤ تێ ده چێدبه، مه‌رته‌به‌یا ژنێ ل جه‌م دانه‌رێ ئه‌رد و ئا‌سیمان ئه‌وقاس ل ژووره كو د پرتووکێن پیرۆز ئێن ئاسیمانی ده پڕ ب زه‌لالی خستیه به‌ر چاڤان، واته هه‌بوونا ژنێ دبه ده‌واما هه‌بوون و زێده‌بوونا ئینسانان، گه‌ر ژن نه‌به ل وێ ده‌مێ مرۆڤ ژى نابه.
ژن ئه‌و مروڤه كو بۆ ده‌ما نه‌هـ مه‌هان زارۆكى د ناڤا لاشه‌یێ خوه ده خوه‌دی دكه و هه‌مى پێویستیان ژ وێ كۆرپه‌له‌یێ ره دابین دكه، گه‌ر كۆرپه‌له نه‌خه‌وه ژن نكاره بخه‌وه و گه‌ر ئه‌و كۆرپه‌له نه‌خوه‌ش بكه‌ڤه ژن ژى نه‌خوه‌ش دبه، هه‌ر وها گه‌ر كۆرپه‌له برچی ببه ژن ژ خوینا خوه خوارنێ ژێ ره دروست دكه، واته ژن دبه دلۆڤانترین كه‌س ژ بۆی مرۆڤى به‌ریا رۆناهیا دنیایێ ببینه، ژن یێكه‌م كه‌سه ده‌ما زارۆك رۆناهییا دنیایێ مێزه دكه هه‌مبێز دكه، ب سالان زارۆك و هه‌مبێزا ژنێ ژ هه‌ڤ جودا نابن، واته به‌رسینگا ژنێ دبه مه‌زنترین، جوانترین، باقژترین و ب سوودترین خارنه‌گه‌ها زارۆكى.
ژن دیسان یێكه‌م مامۆسته‌یا زارۆكی یه د فێركرنا هه‌مى وارێن ژیانێ ده (زمان، جڤاك ، ئابوور، تیتال و كلتور…. هتد) .
واته ژ بۆنا مرۆڤان، بێ ژن مرۆڤ هه‌بوونا خوه نابینه.
ژن و مێر ته‌‌مامكه‌رێن هه‌ڤن، مێر بێی ژن هه‌بوونا وى كێمه و ژن ژى بێی مێر هه‌بوونا وێ كێمه، نێر و مێ ب هه‌ڤره ژیانێ دئافرینن، نه‌ته‌نێ ژیانا مرۆڤان به‌لكو ژیانا هه‌مى بوونه‌واران ب ره‌گه‌زێن نێر و مێ ڤه گرێدایی یه.
ژ‌به‌ر ڤێ زایندی ژ پێویستێن سه‌ره‌كه یێن هه‌ر بوونه‌وه‌ره‌كی یه. چ بوونه‌وه‌ره‌ك بێى كریارا زاینده‌یى بوونه‌وه‌ره‌ك ته‌ندروست نابه، به‌لكو ئه‌و بوونه‌وه‌رێ كریارا زاینده‌يیێ ئه‌نجام نه‌ده، دێ راستی چه‌ندین نه‌خوه‌شییان به، ته‌یبه‌ت نه‌خوه‌شیێن ده‌روونى و نه‌خوه‌شێن جڤاكی ژى. هه‌مى چاڤكانیێن زانستێ ده‌روونێ ووسا به‌رچاڤكرنه كو ئه‌و مرۆڤه‌كێ كریارا زاینده‌یى ئه‌نجام نه‌ده ب ئاوایه‌ك خوه‌زایى دێ مرۆڤاتیا خوه وه‌ندا بكه.
هه‌ر کەسەکی بخوازه ب راستی ژ نه‌خوه‌شیێن «مرۆڤێ كریارا زاینده‌یی ئه‌نجام نه‌ده» بزانبه، ژ خوه ره نڤیس و تێكستێن ڤان زانایێن ده‌روونى «فروید ـ یونگ، ئادلر…..» بخوینه، ژ بۆ كو بزانبه چ نه‌خوه‌شی ب سه‌رێ مرۆڤان تێ وه‌ختا ژیانا زاینده‌یێ پاشگوهـ دكه.
كارێ ژنێ پڕ مه‌زنه، هه‌م د ناڤا مالێ و ده‌رڤه‌ی مالێ ژی ده، گه‌ر ل سه‌ر بئاخڤین پێویستیا مه وێ ب چه‌ندین كتێبان هه‌به، د ڤێ نڤیسێ ده ده‌رفه‌ته‌تا مه تونه كو ئه‌م ل سه‌ر بئاخڤن.
ل ژوور من ب ته‌نێ ئالیێ زاینده‌یی و زارۆكبوونێ به‌رچاڤ كر، ژ بۆ كو بزانبین ئیدۆلۆژیا پارتیا كاركه‌ران چقاس توندرێ یه ل همبه‌ری ژن و مێران و چ قاس شۆفینیزمی ل همبه‌ری مافه‌كێ خوه‌زایی مرۆڤان بكارئانیه.
ژ گرینگترین رینمایێن پارتیا كاركه‌ران ژ بۆ جوانان كو ببن گێریلا چ نه؟:
-
نابه كریارا زاینده‌ی بكه.
-
نابه ژن و مێر ب زه‌وجن، هه‌گه‌ر به‌ریا ته‌ڤلیبوونێ نه‌زه‌وجی بن.
-
نابه ڤیان د نێڤبه‌را كه‌چ و جوانان ده چێببه.
-
نابه ب ت ئاوایه‌كی تێكلیێن جڤاكی یێن گێریلا ب دای و باڤێن وان ڤه هه‌به.
-
ده‌ما كه‌سه‌ك دبه گێریلا نه‌ته‌نێ مه‌ژیكێ وى ژ روویێ چڤاكی ڤه تێ ژ ناڤ برن، لێبه‌لێ ناڤێ وى و مالباتا وی تێ گوهه‌راندن.
