ژ بۆ به‌شداربوونێ د گۆپیتکا جیهانی یا حکوومەتان 2024 دا كو دێ رۆژێن 12-14ێ سباتێ بێ لدارخستن، سەرۆکوەزیر مەسروور بارزانی ل باژارێ دوبه‌ی یێ ئیماراتێ یه.
ژ بۆ تەڤلیبوونا د گۆپیتكا جیهانی یا حكوومه‌تان 2024 دا، سەرۆکوەزیر مەسروور بارزانی گەهشت باژارێ دوبەی یێ ئیماراتێ.
ژ بۆ سالا سێیێ ل سەر یەک، سەرۆکوەزیر مەسروور بارزانی ل ئیماراتێ تەڤلی گۆپیتكا جیهانی یا حكوومه‌تان دبە.
سەرۆکێ حكوومه‌تا هەرێما کوردستانێ مەسروور بارزانی هەر ئیرۆ (یەکشەم، 11.02.2024) ل سەر تۆرا جڤاکی یا X نڤیسیە، «ئەز دلخوەشم کو تەڤلی گۆپیتكا جیهانی یا حكوومه‌تان 2024 دبم».
پێشتر ژی نڤیسگەها سەرۆکوەزیرێ هەرێما کوردستانێ د راگەهاندنەکێ دە ئاماژە دا، سەرۆکوەزیر مەسروور بارزانی ئیرۆ (یەکشەم، 11.02.2024) ژ بۆ تەڤلیبوونا د گۆپیتكا جیهانی یا حكوومه‌تان دا کو دێ رۆژێن 12-14ێ سباتێ ل دوبەیێ بێ لدارخستن، بەر ب ئیماراتێ ڤە ب رێ کەت».
دیار ژی کر، «سەرۆکوەزیر مەسروور بارزانی ل سەر ڤەخوەندنا تایبەتا جێگرێ سەرۆکێ دەولەتا ئیماراتێ، سەرۆکوەزیر و میرێ دوبەیێ شێخ محەمەد بن رەشید ئەل-مەکتووم تەڤلی ڤێ گۆپیتكێ دبە، کو بریارە گۆتارەکێ ژی ب ئامادەبوونا هژمارەکا سەرۆکوەزیر و بەرپرسێن پایەبلند پێشکێش بکە».
ئاماژە ب وێ ژی کر، «سەرۆکوەزیر مەسروور بارزانی هەر وها د چارچۆڤەیا ڤێ گۆپیتكێ دا، دێ ب رایەدارێن عەرەب، هەرێمی و ناڤنەتەوەیی، بیرمەند و کارسازان رە چەند هەڤدیتنان پێک بینە».
