ھونەرمەند و سترانبێژێ خەلکێ سنەیا رۆژھلاتێ کوردستانێ بابەک محەمەدی پشتی گرتن و لێدان و ئیشکەنجەیا ژ ئالیێ سپاھا پاسدارێن ئیرانێ ڤە، پشترە ل پێش کامیرەیێ داخوازا لێبۆرینێ کر.
کۆمەلەیا مافێ مرۆڤان یا ھەنگاو راگەھاند، چەند رۆژێن بۆری دە ھونەرمەندێ خەلکێ سنە بابەک محەمەدی پشتی کو ھاتیە گرتن ژ ئالیێ سپاھێ پاسدارێن ئیرانێ ڤە و ژ ئالیێ ھێزێن وێ ناڤەندا ئەولەھیێ ڤە راستی ئیشکەنجەیەکی توند ھاتیە.
ل گۆر ڤیدەۆیەکی ئەو سترانبێژ ھاتیە ناچار کرن کو ل پێش کامیرەیێ داخوازا لێبۆرینێ بکە.
بابەک محەمەدی بەرێ د مەراسیمەکی دە سترانەکا فۆلکلۆری یا کوردی گۆتبوو، کو د بەشەکا وێ سترانێ دە گۆتیە سپاھێ پاسداران قوربانا وێ کەچێ بە.
