ل باژارێ ئورمیێ یێ رۆژهلاتێ کوردستانێ 50 کەس ب تۆهمەتا هاندانا وەلاتیان ژ بۆ کو دەنگ د هلبژارتنێن پارلامەنتۆیا ئیرانێ دە نەدن، هاتن گرتن.
ب گۆتنا رێڤەبەرێ پۆلیسا ئورمیێ رەحیم جیهانبەخش، کەسێن هاتنە دەستەسەرکرن ب رێیا تۆرێن جڤاکی داخواز ژ وەلاتیان و دەنگدەران کرنە کو هلبژارتنان بایکۆت بکن. ژ بەر وێ سەدەمێ ژی بریارا گرتنێ ژ ئالیێ ئیستخباراتا پۆلیسان ڤە ب هەڤاهەنگیا دەستهلاتا دادوەری رە هاتیە جیبجیکرن.
رێڤەبەرێ پۆلیسا ئورمیێ دبێژە، بەلاڤکرنا هەر پەیام و درووشمەکێ ل سەر تۆرێن جڤاکی ژ بۆ تێکدانا هزر و نیزاما جڤاکێ و دژبەریا هلبژارتنان، بنپێکرنا ئەشکەرە یا یاسایێ یە و وەک تاوان تێ دیتن و تاوانبار دێ بێنە دارزاندن.
بریارە سبە ئینێ 1ێ ئادارا 2024ان ل سەرانسەرێ ئیران و رۆژهلاتێ کوردستانێ هلبژارتنێن پارلامەنتۆیا ئیرانێ (ئەنجوومەنا شۆرا) برێڤە بچە و 15 هەزار و 200 نامزەد ژ بۆ وەرگرتنا 290 کورسیان هەڤرکیێ دکن.
