سپایێ پاسداران جوانه‌كی كورد ل سینۆرێ بانه‌ كوشت

کۆلبەرەکی کورد یێ خەلکێ باژارێ سەقزێ یێ ب ناڤێ سەعید جەعفەر فەرەجی د دەما کۆلبەریێ دە ب گوللـەیێن راستەراست یێن هێزێن لەشکەری یێن ئیرانێ هاتە کوشتن.

سازیا مافێ مرۆڤی یا هەنگاوێ به‌لاڤ كر كو ئێڤارەیا رۆژا دوشەمی 26ێ سباتا 2024ێ، سەعید جەعفەر فەرەجی یێ خەلکێ گوندێ دەورە قەلا یا سەقزێ د دەما کۆلبەریێ دە ل سەر سینۆرێ هەنگەژالەیێ سەر ب بانه‌یێ ڤه‌، ب گوللـەیێن راستەراست یێن هێزێن سینۆری هاتە کوشتن.

سەعید جەعفەر فەرەجی یێ تەمەن 42 سالی خێزانداره‌ و باڤێ دو زارۆکان بوویە و ل گۆر گۆتنا چاڤکانیێن هەنگاوێ، تەرمێ ناڤبری ژ بۆ نەخوەشخانەیا سەلاحەدین ئەیووبی هاتیە ڤەگوهاستن.

ل گۆری ئامارێن تۆمارکری ل ناڤەندا ئامار و بەلگەیان یا سازیا مافێ مرۆڤی یا هەنگاوێ، د سالا 2023ان دە ل سەر سینۆرێن بانه‌یێ 22 کۆلبەر هاتنە کوشتن و 116 کۆلبەر ژی هاتنە بریندارکرن.