ڤی كادرۆیێ په‌كه‌كێ ب ئاوایه‌كی ووسا به‌حسا مادده‌یێن ڤێ ده‌ستووری كر كو هه‌ر ژ دیباجه‌یێ هه‌یا داویێ ل سه‌ر بنگه‌هێ فكرا جۆن لۆك و هزرمه‌ندێن باوه‌ر ب ئازادی، ده‌مۆكراسی و مافێن مرۆڤان و ژیاناهه‌ڤپارهه‌نه، هاتیه نڤیساندن.
هه‌ڤالان ژى هه‌ر یێك ژ وان ب گۆر فكر و پسپۆرییا خوه ته‌ڤلی نیقاشێ بوون، هنه‌كان ده‌ستخوه‌شی كر و هنه‌كان ره‌خنه كرن، لێبه‌لێ پرانییا براده‌ران ره‌خنه ل رستا «هه‌رێما باكورێ رۆژهلاتا سووریه‌یێ» گرت و گوتن چما په‌یڤا كوردستان یان رۆژئاڤا كوردستانێ تێ ده جی نه‌گرتیه، ئه‌ڤ یێك بوو مژارا سه‌ره‌كه یا نیقاشێ، ئاخافتن پڕ ل سه‌ر هاتن كرن و گهیشت ئاستا توندیێ، لۆما و ژ بۆ كو ره‌وش هنه‌كی ئارام ببه و هه‌ڤال هنه‌كی رحه‌تر بن، من خوه كره خوه‌ش مرۆڤ و ژ هه‌ڤالان ره گۆ كو هوون مێهڤانێن من یێن ڤه‌خوارنه‌كێ نه، من گو: «هێڤه ژكووڤه» و كه‌نیم.
ل ڤێ ده‌مێ هه‌ر راست هه‌ڤالێ پارتیا كاركه‌ران ژ من ره گۆت: «هه‌ڤال چما تو حه‌نه‌كان ب مه دكی؟»، من ژێ ره گوت: «هه‌ڤال ببۆره من ت حه‌نه‌ك نه‌كرنه، ئه‌ز حه‌ناكان ب فكرا وه ناكم، من رێز ژ بۆی هه‌یه، لێ ئه‌ز ستراته‌ژییا وه ناپه‌ژرینم».
هه‌ڤالێ پارتیا كاركه‌ران گۆت: «هه‌ڤال ئه‌م دزانن كو ئه‌ڤ 20 سالن تو ژناڤا پارتیا مه ڤه‌قه‌تی و باوه‌ریا ته ب مه تونه، لێ نه ژ رێزێ یه تو حه‌نه‌كان ب مه دكى و تو نابێژى ئه‌ڤ گۆتنا ته ((هێڤه ژ كووڤه)) دهێته چ واته‌یێ؟»
ئه‌ز ل ڤر نه‌چار ما من ژێ ره گۆت:«ببۆره هه‌ڤال پشتى سالا 2014ان ئه‌ز ب باشوورییان ره ته‌ڤلی شه‌رى ل دژی ته‌رۆرا داعشێ بوویم، پڕ ئاخافتنێن وان هاتن سه‌ر زمانێ من و ب راستیژى زمانێ كوردى ل جه‌م باشوورییان پر پیشكه‌تیه و جارنا ده‌ما ئه‌و دخوازن هێزێ بدن گۆتنا خوه په‌یڤێن بیانی بكارنائینن، لێبه‌لێ گۆتنه‌ك كوردی ب كارتینن.
«ده‌رباره‌ى گۆتنا من ((هێڤ ژ كووڤه)) ئه‌ڤ گۆتن كورده‌وارى یه، كولتووری یه، ل وێ ده‌مێ تێ بكارئانین وه‌ختا گۆتن و ره‌فتارا مرۆڤان یه‌كنگرن و مومكن نه‌به مرۆڤ بكاره بكه كریار».
هه‌ڤالێ پارتیا كاركه‌ران گۆت: «چما ئه‌م نكارن؟ من گۆت هه‌ڤالێ برێز، هێژان تو گێنجی و تو پارتیا خوه و ستراته‌ژییا پارتیا خوه ناس ناكى و ئه‌وا پارتیا ته دبێژه تام به‌ره‌ڤاژی كار و كریارێن وێ یه، ئه‌ز به‌حسا وێ ناكم یا كو هه‌ڤالان نها ژ ته ره گۆتی، به‌حسا فكرا نه‌ته‌وى و ده‌مۆكراسیا جڤاكێ یا كو نها سه‌رۆكێ ته كارى ل ژێر ناڤێ ((پارادایم)) ژ بۆی دكه ناكم، لێ ده‌ربارێ ده‌مۆكراسی، ئازادیا راده‌ربرینێ و مافێن مرۆڤان پێویسته ئه‌ڤ داوی پرس بن كو رایه‌دارێن وه ل سه‌ر بئاخڤن، ژ به‌ر كو هوون ئه‌وقاس ژ ئازادیێ فێم دكن كو ببێژن ئه‌ز قوربانی سه‌رۆك یان گۆتنێن نه ژرێزێ ژ هه‌ڤركێ خوه یێ سیاسی ره ببێژن.
گه‌ر تو بخوازى و بزانبی تا چ ئاستی پارتیا ته باوه‌رى ب ئازادییا راده‌ربرینێ هه‌یه؟ فه‌رموو هه‌ره دۆلا لۆلان و ب «ئاخ، ئاڤ، هه‌وا، كه‌ڤر» ێن وێ بئاخڤه ژ بۆ كو بزانبی بهارا وێ ب خوینا كیژان مرۆڤان گه‌ش دبه، ژ بۆ كو بزانبی چ قاس شوره‌شگه‌ر، خه‌باتكار و وه‌لاتپارێزێن كو ب ته‌نێ سه‌رۆكێ ته ره‌خنه كری ب فه‌رمانا سه‌رۆكێ ته هاتنه ئینفاز و قه‌تل كرن.
د وێ نیقاشێ ده، هه‌ڤالێ پارتیا كاركه‌ران نه‌رینا من قه‌بوول نه‌كر و نه‌په‌ژراند، لۆما نها ژ هه‌مان هه‌ڤالی ره دبێژم، فه‌رموو ل ئازادیا راده‌ربرینێ و مافێ مرۆڤان یێن د گرێبه‌ستا چڤاكى یا باكورێ روژهلاتا سووریه‌یێ ده بنه‌ره كانێ ب ت ئاوایی ل رۆژا 2 سباتا 2024ان ل باشوورێ بچووك هاتنه جی ب جی كرن.
