بووبێ ئەسەر
ھەر ملەتەک، ھەر قەومەک و نەتەوەیەک خوەدی ئەردێ خوەیە. کەسێن نە ل سەر ئەردا خوە دژین ژ وان رە تێ گۆتن، پەنابەر یان مھاجر. لۆما کورد ژی تم ژ بۆنا ل سەر ئەردێ خوە بژین و نەبن مھاجر تەکۆشین دانە، بەرخوە ددن دا کو وەلاتێ خوە ژ بن دەستێ داگیرکەران ئازاد بکن. ژ بەر ڤێیە کو دەما بارزانیان ل گەل، مەزنێن خوەیێن ئۆلی، یێن سیاسی و یێن چەکدار دەست ئاڤێتن تەکۆشینێ، بیرا وێ ھزرێ کرن کو ھەگەر گەلێ کورد نەبە خوەدی رێبازەکا نەتەوەیی دێ نکاربە پێشکێشیا گەلێ خوە یا ھەر چار پەرچەیان بکە.
ژ بەر ڤێ بوو کو وان دانینا رێبازەکا وەھا ژ بۆی خوە کرن ئارمانج کو ل گۆر وێ تەکۆشینا گەلێ خوە ل باشوورێ کوردستانێ دەست پێ کرن. وان خوەست ب رێیا رێبازێ خوەدی ل پارچەیێن دن ژی دەرکەڤن. ژ بەر کو بارزانیان دزانبوون کو کوردستان یەکە، لێ دژمنان ژ بۆنا بەرژەوەندیێن خوە ئەو کرنە چار پەرچە.
ئاھا ئەڤ زانینە ژ بۆی وان بوو خەتا نەتەوەیی کو ل گۆر وێ رێبازێ بخەملینن. ئەم کورد ئیرۆ ب وێ ھەبوونا کو ب سایا ڤێ رێبازا پیرۆز ب دەست کەتیە، شاد و بەختەوەرن. ئەو رێباز ژی ب ھەمی ھێز و قاوەتا خوە ھەول ددە کو خوەدیتیێ ل گەلێ خوەیێ ئەڤ سەد سالن کو بێ خوەدی مانە، بکە.
ژ بەر وان و ڤان کرنێن خوەیە کو رێباز بوویە کوردستان. لەورا کوردان ژی باش فێم کرن کو بێ رێباز ئازادیا وەلاتان زەحمەتە. ڤێ باوەریێ وەکر کو ئیرۆ ئەم ل باشوورێ وەلاتێ خوە ئازادن.
ڤێ ئازادیا ھەیی ب کار خەباتێن خوە، ب ھەبوون و تەکۆشینا خوە یا سەرفەراز پەرچێن دن ژی رۆھنی دکە دا کو رۆژەکێ ب سایا وێ رۆناھیێ ئەو ژی رێیا ئازادیا خوە ببینن.
ھەگەر ئەم ڤەگەرین و بێژن گەلۆ رێبازا چاوا و چما کوردستانییە؟
پشتی ئازادیا باشوورێ کوردستانێ ھێدی ھێدی و ب گاڤێن ئەساسی خوەستن کو جھێ لنگێ خوە ساخلەم بکن دا کو دژمن وان ب تەمامی تونە نەکە.
لۆما بەرێ ل سەر ڤی ئەساسی کارێ خوە مەشاندن. ژ ئۆتۆنۆمییێ دەرباسی فەدەرالیزمێ بوو. پشگتی دەمەک دن دەما کو باوەر ئانی کو ئێدی جھێ لنگێ وان ساخلەمن. ھێدی ھێدی و ب گاڤێن ئەساسی دەست ئاڤێتن ئالیکاری و پشتگریا پەرچێن دن کرن.
ھەلبەت ھەتا کو تو نە دەوەلەتەکا سەربخوە بی، تو نکاری وەکە تو دخوازی ب ئالیکاریا برایێن خوە رابی. لێ بارزانی ل بەندا سەرخوەبوونێ ژی رانەوەستیان و تشتێن دکاریبوون بکن ژ بۆنا پارچێن دن کرن. ژ بەر کو رێباز کوردستانییە و دڤێ یێن ب رێبازێ باوەر، بێ شەرت و مەرج ب ئالیکاریا برایێ خوە ڤە راببن.
لێ ل گۆر قانوونا ناڤنەتەوەیی ژی فەدارالیزم ژی نەکارە ب سەرێ خوە ھەر حەزەکا خوە پێک بینن. ھەلبەت د ناڤ خوە دە دێ بکاربە ڤێ بکە. لێ ژ بۆنا ئالیکاری و پشتگریا برایێن خوە یێن پارچێن دن بکە نکارە ژ بەر کو ل گۆر یاسایا ئەساسێ ژ بۆنا کارێ ژ دەرڤە گرێدایی دەولەتا فەدەرال ئانکو ئیراقێ نە.
لێ د ڤێ رەوشێ دە ژی دیسا رێباز د گەلەک ئالیان دە ب ئالیکاریا برایێن خوە یێن پەرچەیێن دن رابوویە و رادبە.
