ئێریشێن ئارتێشا ترکیێ یێن د چارچۆڤەیا رێزە ئۆپەراسیۆنێن ب ناڤێ “پەنجە” دە ل باشوور کوردستانێ ل دژی گەریلایێن پەکەکێ پێک تینە بەردەوام دکن و د دەما دو رۆژان دە ل 10 دەڤەران ئێریش ل سەر بنکە و بارەگەهێن پەکەکێ ئەنجام داینە.

گوند و ناڤچه‌یێن دهۆكێ یێن كو ژ 19 ڤێ مەهێ ڤه‌ ب سه‌ده‌ما په‌كه‌كێ راستی بۆمبه‌بارانێ هاتین ئەڤن:

د 19/5/2024ان دە:

دەمژمێر 16:20 هەیانی 16:40 فڕۆکەیێن لەشکەرێ ترکیێ دەڤەرێن گەلیێ بازێ و گەلیێ دەرگەلا موسا بەگێ یێن سەر ب ناحیا کانیماسێ ئارمانج کرنە.

دەمژمێر 23:15 فڕۆکەیێن ترکیێ چیایێ گارە ل باکورێ رۆژهلاتێ ناحیا چەمانکێ بۆمبەباران کریە.

د 20/5/2024ان دە:

دەمژمێر 23:30 هەیانی 01:00 تۆپخانەیێن لەشکەرێ ترکیێ ب 5 مووشەکان گەریلایێن پەکەکێ یێن ل چیایێ مەتینا ل دەڤەرا بەرواری بالا ئارمانج کرینە.

دەمژمێر 17:15 فڕۆکەیێن لەشکەرێ ترکیێ رۆژهلاتێ تونەلا پەکەکێ یا دکەڤە سەرێ چیایێ مەتینا ل هنداڤی گوندێ گوهەرزێ یێ سەر ب ناحیا دێرالۆک بۆمبەباران کریە.

دەمژمێر 17:20 فڕۆکەیێن ترکیێ پشتا گەلیێ دێرەشێ یێ سەر ب ناحیا سەرسنکێ بۆمبەباران کریە.

دەمژمێر 11:15 دیسا فڕۆکەیێن ترکیێ دیسا دەرگەلا موسا بەگ یا سەر ب ناحیا کانیماسێ بۆمبەباران کریە.

دەمژمێر 17:10 فڕۆکەیێن ترکیێ گەلیێ بێشیلێ یێ سەر ب ناحیا کانیماسێ ڤە بۆمبەباران کریە.

دەمژمێر 20:50 هەیانی 22:00 فڕۆکەیێن لەشکەرێ ترکیێ ئاقارێ گوندێ گویلکا، دەرگەلا موسا بەگێ و شێلازا یێن سەر ب ناحیا کانیماسی بۆمبەباران کرنە.

دەمژمێر 08:30 هەیانی 11:05 تۆپخانەیێن لەشکەرێ ترکیێ دەڤەرێن دەریێ بێرا و تونەلا پەکەکێ یا ل چیایێ مەتیا کو دکەڤە هنداڤی گوندێ گوهەرزێ یێ سەر ب ناحیا دێرالۆکێ ڤە بۆمبەباران کرینە.

ب ئاوایەکی گشتی ئەڤ ئێریشێن ئارتێشا ترکیێ دبن سەدەمێ زرار گەهاندن ب مال و حالێ خەلکێ ڤان دەڤەران، هەروها ئەڤ ئێریش دبن سەدەم کو هەژمارەک گەریلایێن پەکەکێ ژی بێن کوشتن، لێ پەکەکە ت جاران ئامارێن راست یێن ڤان زیانێن خوە پارڤە ناکە و بەردەوام د مەدیایا خوە دە دبێژە، “مە دەولەتا ترک تێک بر” د دەمەکی دە کو تەڤ باکور و نێزی 35 کیلۆمەترۆیان ژ خاکا باشوور ژی تەسلیمی ترکیێ کریە.