سمکۆ عەبدولعەزیزی
گوهەرین ژ بنەمایێن سەرەکی یێن پێشکەتنێ نە، لێ بەلێ نە هەر گوهەرینەک پێشکەتنە، چەندین جورەیێن گوهەرینێ د سیاسەتێ دە هەنە، لێ ژ گرنگترین گوهەرینان ئەم دکارین بێژین دونە، یەکەم گوهەرین تاکتیکینە و گرێدایی ئالاڤانە و یا دویەمین ژی گرێدایی ئارمانجانە.
د سیاسەتێ دە گوهەرینێن ستراتەژی زوو ب زوو نایێن کرن، گوهەرین د وێ دەمێ دە تێن کرن کو ئارمانج پڕ شاش بە یانژی ئەو ئارمانج هاتبە بجیئانین.
گوهەرینێن تاکتیکی زوو ب زوو تێن کرن، ژ بەر کو گۆتنەکە فیلۆسۆفی هەیە دبێژە، دەما تو ب رێیەکێ دە دچی ژ بۆی دەستڤەئانینا ئارمانجەکێ و ئەو ئەرمانج نەیێ بدەستڤەئانین، پێویست دکە گوهەرینەک تاکتیکی ئەنجام بدی، ژ بەر کو گەر سەد جارێن دن ژی د وێ رێیا بەرێ دە بچی دێ راستی هەمان چارەنۆس ببی و چ دەستکەفتان ب دەست نائینی، واتە پێویستە تو رێیا خوە بگوهەری، نە وەک ئارمانجێ.
دەما مرۆڤ ل دیرۆکا پەکەکێ دنێرە، وسا خویا دبە کو هەر تم ئەڤ پارتیە ئارمانجا خوە دگوهرە و رێیا کو پێ دە دچە وەک خوە دهێلە، ل ڤڕ پرس ئەڤە، گەلۆ چما ئەڤ پارتیە بەرەڤاژی زانستێ سیاسی تەڤ دگەرە؟
ل گۆر شیرۆڤەکرنێن ئاکادەمیک خویا دبە کو پەکەکە و سەرۆکێ وێ نە سەربخوەنە، بەلکو ئەو داردەستێن دژمنانە، ب تایبەتی سەرۆکێ ڤێ پارتیێ گرێدایی هندەک ئالیێن نە کوردیە و ل گۆر بەرژەوەندیێن وان تەڤ دگەرە، پەکەکە ژی وەکە کەری و بێی هزر ب دووڤ وی کەتنە و ب رێیا کو ئەو دبێژە دە دچە.
چما مینا کەری نە؟
هاتیە خویاکرن کو کەر ژ تەڤ جاندارێن دن زێدەتر گوهداریا خوەدیێ خوە دکە و کەدەکا مەزن ددە ژ بۆی کو خوەدیێ خوە دلخوەش بکە، واتە ئارمانجا کەری ئەڤە کو خوەدیێ خوە رازی بکە، ئەم دبینن کو کادرۆیێن پایەبلند یێن پەکەکێ مینا کەری نە، تەڤ ئارمانجا وان ئەڤە کو خوەدیێ خوە رازی بکن.
چما وسا دبێژم؟ ژ بەر کو گەر دانوستاندنێ لگەل پرانیا کادرۆیێن پەکەکێ بکین، ژ کادرۆیێ هەری ژێر هەیانی دگەهە یێن هەری ژۆر مینا قارایلان، و ژێرە ببێژین: چما هوون خەباتا سیاسی و چەکداری دکن؟ بێی یەک و دو دێ ببێژن، ئەم ژ بۆی کورد و کوردستانێ خەباتێ دکن، ئەڤ بەرسڤەکە پڕ خوەشە و گرنژینێ تێخە سەر روویێ هەر وەلاتپارێزەکی، ژ بۆی ڤێ ژی هەژمارەک هەری زۆر یا کەچ و خۆرتێن کوردان ژ بەر ڤێ گۆتنێ تەڤلی رەفێن وان بوونە و دەست ژ ژیانا خوە هلگرتنە و بوونە گەریلا.
لێ بەلێ، دەما ژ وان کادرۆیان رە دبێژی: گەلۆ هوون نابینن کو ستراتەژیا سەرۆکێ وە بۆ وە دانی چ گرێدانا خوە ب کورد و کوردستانێ ڤە نینە، ژ بلی قۆناغا سالا 1981 هەیانی 1986؟ دەملدەست دێ تە ب خایین و پاشڤەرۆ و نەزان ب ناڤ بکن.
ستراتەژییا کو ئۆجالان ژ بۆی پارتی و ئالیگرێن خوە دانای مینا کەفا نیسکێ یە، جارنا بلند دبە و جارنا ژی نزم دبە، مینا داییکەک نەشارەزا د چیکرنا نیسکێ دە، دەما نیسکا نەکەلی دادنە بەر زارۆکێن خوە و ژێ رە دبێژە، ئەڤ نیسک پڕ خوەشە، زارۆک ژی ژ نەچاری و ژ ترساندە وێ نیسکا نەخوەش دخوەن، پەکەکەیی ژی مینا وان زارۆکانە، ژ ترسان دە و ب نەچاری کەتنە د باهۆزا سەرۆکێ وان چێکری دە، ئەو دزانن کو خەباتا وان چ گرێدانا خوە ب کورد و کوردستانێ ڤە نینە، لێ پەکەکەیی ب نەچاری دێ ستراتەژیێ دپەژرینن.
د بەشێ دویەمین ژ گۆتارا خوە دە ئەز دێ دیار بکم کا چەوا ستراتەژییا سەرۆکێ پەکەکێ مینا کەفا نیسکێ یە.
