بووبێ ئەسەر
ملەتەک ب دام و دەزگەھێن خوە ڤە دبە دەولەت. ب ھێز و قاوەتا خوە ڤە دبە ناڤدار. ب دەمۆکراسی و ئینسانەتیا خوە ڤە دبە مرۆڤحەز.
پشتی دانینا رێبازا پیرۆز و پێکانینا خالێن وێ یێن ژ بۆنا ئازادیا کوردستانێ، ئەم کورد ژی ل باشوورێ کوردستانێ کرنە خوەدی دەولەتا خوە. ڤێ دەولەتا مە دام و دەزگەھێن خوەیێن فەرم ھەنە. ئەڤ دەولەتا مە ل گۆر ئیمکانێن خوە ب هاریکاریا برایێن خوەیێن پارچێن دن ژی رادبە و چ ژ دەستێ وێ تێ، کرییە و دکە.
ھەر دەولەتەکا ل جیھانێ خوەدیێ خوە و ھندەک دەزگەھێن ئینسانی نە کو ب رێ و سایا وێ دەستێن خوەیێن هاریکاریێ دگەهینە کەسێن پێویستیا وان پێ ھەبن. د ئەردھەژا کو 6/2/2023 کو ل باکور و رۆژئاڤایێ کوردستانێ پێک ھاتبوو، ب ھەمی ئیمکانێن خوە یێن کێم دەزگەھێ خێروازی یێ بارزانی ب ئهاریکاریا برایێن خوە رابوو بوو. ژ بەر ڤێیە دڤێت ئەم ژی ژ بۆی ڤێ دەزگەھا پیرۆز ببین هاریکار و ب خوەدی لێدەرکەتاندنێ ئەم وێ بکن دەزگەھەکێ جیھانی.
ژ بۆنا کو ئەم ژی د قادا ناڤدەولەتی دە ببن خوەدی دەزگەھەکێ مەزن و ب ھێز، دڤێت ل سەرانسەری جیهانێ ژ کێ چ قەدیا هاریکاریا دەزگەھێ خێرخوازی یێ بارزانی بکن. ژ بۆنا کو ئەم ڤێ ژی بکن وەکە خاچا سۆر یا ناڤنەتەوەیی، ئەم ڤێ بکن وەکە ئەمنستیا جیھانی.
دڤێت ئێدی ئەم ب ھێز، قاوەت و ب سایا دەزگەھێن خوە، ب کار و هاریکاریێن خوە، خوە بدن ئیسپاتکرن کو ئەم ژی وەکە ھەر ملەتەکی خوەدی دام و دەزگەھێن خوە یێن فەرمی و ناڤ نەتەوەیی و جیھانی نە. ژ بەر کو ئاڤاکرن و خوەدی ل دام و دەزگەھێن نەتەوەیی دەرکەتاندن، خالەک ژ خالێن رێبازا پیرۆزە.
ئیرۆ ئەم کورد ل باشوورێ وەلاتێ خوە خوەدی دەولەتا خوە نە. ئەو دەولەت ژی خوەدی دام و دەزگەھێن خوەیە. واتە ئێدی کورد نە بێ خوەدی نە. ژ بەر کو ئەساسێ رێبازێ ل سەر ڤێ ھاتیە ھووناندن. لەورا رۆژ ب رۆژ ل باشوورێ کوردستانێ ڤەکرن ئانگۆ ئاڤاکرنا دەزگەھێن سڤیل گەشتر و بەرفرەھتر دبە. ژ بەر کو ھەبوونا دەزگەھێن نەتەوەیی، لنگەکی دەولەتبوونێیە. ژ بەر ڤێیە کو ڤێ ژی وەکە خالەکێ د رێبازێ دە جھێ خوە گرتیە.
ھەلبەت ئەڤ دەولەتا مە یا ھێ ژی وەکە نیڤدەولەتەکێ، ب رێیا دەزگەھێن خوە یێن فەرمی، دێ خوە بکە دەولەتەکا سەربخوە. ئەو دێ ب هاریکاریا برایێن خوە، کوردێن پارچێن دن ڤە ژی رابە و ئالیکاریا وان بکە.
مە دیت، ئەم دزانین کو د کارەسەتا ئەردھەژا نەدیتی یا ل باکور و رۆژئاڤایێ کوردستانێ پێک ھاتبوو، کا چاوا دەزگەھێ خێرخوازی یێ بارزانی ژی ب هاریکاریا برایێن خوە رابوو و رادبە. ڤێ دەزگەھا پیرۆز بەری ژاریکاریا داگیرکەران ب هاریکاری و خەباتا خوە، خوە گهاند برایێ خوە. کەسێن بریندار ژ بن کاڤلان دەرخستن و ژ نوو دە ژیان دا گەلەکان ژ وان.
جارەکێ بنێرێن و ببینن کو بارزانیێن ل سەر رێبازا پیرۆز ھێژ نیڤ دەولەتە. ب ڤێ نیڤدەولەتبوونا خوە ژی ب هاریکاریا ھەر سێ پارچێن دن یێن برایێن خوە یێن کورد رادبە. ژ بۆنا هاریکاریا وان چ ژ دەستێ وێ تێ، دکە. ژ بەر کو دەما تو ببیە خوەدی رێبازەکێ ئەو رێباز ژی دێ ب هاریکاریا ھەمی برایێن خوەیێن کوردستانی ڤە رابە.
دڤێت کورد بزانبن و ببینن کو دامەزراندنا دەزگەھێن سڤیل چقاسی گرینگە. ژ بۆنا ڤێ گرینگیێ یە کو ڤێ ژی وەکە خالەکا گرینگ د رێبازێ دە جھێ خوە گرتیە. لۆما دڤێت کورد بنێرن و ببینن کو د وێ کەراسات و ئەردھەژا کو ل باکور و رۆژئاڤایێ کوردستانێ پێک ھاتبوو دەزگەھێ خێروازی یێ بارزانی چەندین ئالیکاری و ئانبولانس ژ بۆی برایێن خوە شاندبوون. بنێرن و ببینن، بێ کو وەختێ دەرباس بکە، ڤێ دەزگەھا پیرۆز ب ھەمی ئیمکان و ھێزا خوە یا نیڤدەولەتی هاریکاریا برایێن خوە کر و دکە.
گەلۆ وان پارتی و کەسێن دژمناتیا ڤێ رێبازا پیرۆز و بارزانیان دکن، کا ھەتا نھا ژ بۆی گەلێ خوە چ کریە و دێ چ کن؟ فەرقا کوردستانیبوونێ و ھەبوونا رێبازێ ئەڤە. دڤێت ئێدی کوردێن مە ڤێ باش بزانبن و فێر ببن کو دۆست و برا د رەوشێن دژوار دە ب هاریکاریێن خوە تێنە ناسین.
دڤێت ئێدی کورد ب چاڤێن خوە فەرقا رێباز و بێ رێبازبوونێ ببینن. دەما ئەڤە ھاتە دیتن وێ گاڤێ ھەر کوردەکی ژ وەلاتێ خوە حەز دکە، دێ خوەدی ل رێباز و دەزگەھێن سڤیل دەرکەڤن. پشتگری و ئالیکاریا باشوورێ کوردستانێ بکن دا کو ور زوو بگەهە سەرخوەبوونا خوە. ژ بەر کو بێ دەولەتی مرنە.
