نڤیسەر و سیاسەتڤانێ ناڤدار و کەساتیێ نشتیمانپەروەرێ کورد و ئەندامێ بەرێ یێ پەرلەمانتۆیا ترکیەیێ در. تارق زییا ئەکینجی ل دیاربەکرێ ب خاکێ ھات سپارتن.
تەرمێ در. تارق زییا ئەکینجی ژ ستەنبۆلێ ب رێیا فرۆکەیێ بۆ دیاربەکرێ ھات ڤەگوھاستن و ل مزگەفتا تاخا شەھیتلیکێ یا ناڤچەیا سوورێ مەراسیما ئۆغرکرنا وی ھات لدارخستن.
د مەراسیمێ دە. پەیاما سەرۆکێ حکوومەتا ھەرێما کوردستانێ مەسروور بارزانی ژ ئالیێ سەرۆکێ وەقفا ئیسماعیل بەشیکچی ئیبراھیم گووربووز ڤە ھات خوەندن. د پەیامەدێ دە وھا ھات گۆتن:
“ب خەمگینیا من نووچەیا کۆچا داوی یا نڤیسکار، سیاسەتمەدار، وەلاتپارێز و ئەندامێ بەرێ یێ پارلامەنتۆیا ترکیێ در. تارق زییا ئەکنجی بھیست. ئەز ژ مالباتا مامۆستە ئەکینجی رە سەرساخیێ دخوازم. خوەدێ ژ روحێ وی ل جەننەتێ رازی بە و سەلامەتی و رەحەتیێ بدە ھەر کەسی.”
ھەڤسەرۆکێ دەم پارتیێ تونجەر باکرھان و پارلەمتەرێ جەهەپێ یێ دیاربەکرێ سەزگین تانرکولو و ھندەک کەسێن ژ مالباتا ئەکینجی ژی ئاخافتن کرن.
پشتی بخاکسپارتنا تەرمێ در. تارق، مالباتا وی و ھەڤسەرۆکێن شارەدەریا مەزن یا دیاربەکرێ سەڕا بوجاک و دۆگان خاتون سەرساخی قەبوول کرن.
گەلەک وەلاتی، سییاسەتمەدار ژی بەشداری مەراسمێ بوون.
