وەختا چەند رۆژ بەرێ ل بەیرووتێ (لوبنانێ) ئاموورێن پەیجەر د دەست و چانتێن خەلکێ دە تەقییان، ھاتن تەقاندن و ب دەھان کوشتی و ب ھەزاران ژی بریندار بوون، یەکسەر پێلاڤا مەکاپ یا ئەندام و شەرڤانێن پەکەکێ ھاتە ھشێ من.
وەختەکی (چەند سال بەرێ) من خوەست ل سەر پێلاڤا مەکاپێ و حەرەکەتا پەکەکێ بنڤیسم. د ڤێ ناڤێ دە من فکرا خوە ژ بۆ دۆستەکی ب رێیا تەلەفۆنێ باس کر. من دیت وایە وی نڤیساندیە و بەلاڤ ژی کریە. من ژی دەست ژ نڤیسێ بەردا.
ئەڤە چەند رۆژن تەقاندنێن ئاموورێن پەیجەر کۆ ل لوبنانێ د دەست و چانتێن ئەندامێن حزبولاھێ دە تەقییان، جاردن پێلاڤا مەکاپ ئانی بیرا من. وەکو تێ زانین پێلاڤا مەکاپ ل ترکییێ و ژ لایێ ترکا ڤە تێ چێکرن و شەرڤانێن حەرەکەتا پەکەکێ ژی بەس پێلاڤێن مەکاپێ بکارتینن، ژن و مێر. ژ بلی پێلاڤێن مەکاپ چێنابە بێنە بکارئانین.
ئەزێ ل ڤر باس نەکم کا حەرەکەتا پەکەکێ سالێ ب چەند ملیارا بەس پێلاڤێن مەکاپ ژ ترکییێ دکرن، ئەو ترکییا کۆ خوەدێ گراڤی پەکەکە ل دژی وێ “شەردکە”، ئەزێ بەس باسی گۆتنا وەزیرێ ناڤخوە یێ بەرێ سلێمان سۆیلو بکم کۆ دگۆت: ئەم دزانین کا رەقەما پێلاڤێن شەرڤانێن پەکەکێ چقاسەیە.
مەبەستا سلێمان سۆیلو پێلاڤێن مەکاپ بوو. سۆیلو دخوەست ببێژە کۆ ئەم یەک ب یەک زانین کا کی کییە و ل کویە. ب کودا دچە، ل کودەرێ رادکەڤە.
کا چاوا مۆسادێ پەیچەر ئامادەکرن و خستن دەستێن حەماس و حزبولاھێ، ژ بۆ ل وان گوھداری بکە و وان تێخینە بن کۆنترۆلا خوە، بێ گومان ترکییێ ژی ب رێیا پێلاڤێن مەکاپێ حەرەکەت و ئەندامێن پەکەکێ کۆنترۆل دکە. مەبەستا سۆیلو ژی ژێ ئەو بوو کۆ دگۆت: “ئەم دزانین کا رەقەما مەکاپا ھەر ئەندامێن پەکەکێ چقاسە”.
ژ ئالییەکی ڤە خوەدێگراڤی پەکەکە ل “دژی ترکییێ شەری دکە” و ژ ئالییێ دن ژی ڤە ب ملیارا بەس پێلاڤێن مەکاپ ژ ترکیێ دکرە؟
د ڤی وەختێ تەکنۆلۆژییێ دە، ما دەولەتا ترکی ئەوقاس ئەحمەق و خەشیمە کۆ نەشێت جیپیئێسا د پێلاڤان دە بجیھ بکە؟ چ گومان تێدە تونەیە کۆ د ھەر پێلاڤا کۆ ترکیە ژ بۆ ئەندام و شەرڤانێن پەکەکێ چێدکە جیپی ئێس تونەبە.
رەشۆیێ داری
22/9/2024
نڤیسین ژ فەیسبۆکا نڤیسەری هاتیە وەرگرتن
