هه‌ر كو دچه زلم و سته‌ما په‌كه‌كێ ل سه‌ر گه‌لێ رۆژئاڤا كوردستانێ پێتر دبه، ئه‌ڤ رێخستنا دژه كورد پشتی ئه‌وقاس دزینا نه‌فتێ، سته‌ندنا په‌ره‌یان و باجێ ژ شێنییان تێر نه‌بووی، ب دارێ زۆرێ کارتا کەهرەبێ ب گرانی ب خەلکێ دده كڕین.
ل گۆری ئاگاهیێن داركا مازی، ل رۆژا ئینیا رابووری 27 ئیلۆنا ئیسال 2024ێ، به‌رپرسێ په‌كه‌كێ یێ رمێلانێ ب ناڤێ ئازاد جڤینه‌ك ب شێنیێن دێركێ، رمێلان و كۆچه‌راتا چێكریه و د وێ جڤینێ ده ل سه‌ر شێنییا فه‌رز كریه كو كارتێن كه‌هره‌بێ ب بهایه‌كی گران بكرن و قه‌بوول بكن.
چاڤكانیێن مه ده‌ستنیشان كرن، په‌كه‌كێ هه‌ر ماله‌ك مه‌جبوور كریه كو كارتا كه‌هره‌بێ كو رۆژێ ته‌نێ چار ساعه‌تان كه‌هره‌بێ دده به‌رامبه‌ری 20 دۆلاران بكرن.
خەلکێ ژی ده‌ربارێ ڤێ بریارا په‌كه‌كێ و رێڤه‌به‌رییا كه‌هره‌بێ یا وێ ده‌رێ به‌رته‌ك نیشان دا نه و ژ رایه‌دارێن په‌كه‌كێ ره گۆتنه: «هوون نە کەهرەبێ چارەسەر دکن، هون دخوازن پەرا ژ مە بستینن، ئەمێ 20 دۆلارێ وه بدن و مە ئەو کەهرەب ژی نەلازمە».
رێخستنا په‌كه‌كێ و باسكێن وێ یێن رۆژئاڤا ته‌ڤی دزینا نه‌فتێ و سیاسه‌تا بێوژدانانه یا سته‌ندنا باجێ و په‌ره‌یان ژ خه‌لكێ و كاسبكاران، جۆتكارێن رۆژئاڤا كوردستانێ ژی مه‌جبوور كرنه كو ده‌خل و دانێ خوه ب نرخه‌كا ئه‌رزان بفرۆشن رێخستنێ و رێڤه‌به‌ریێن چاندنیێ یێن گرێدای رێڤه‌به‌رییا خوه‌سه‌ر یا په‌كه‌كێ.
كوردو باكوری
