د 4ێ جۆتمەھێ دە ناگیھان ئاکارسەل ب کۆد ناڤێ زیلان کو کادرۆیا پەکەکێ بوو ل ناڤچەیا بەختیاری یا سلێمانیێ ھاتبوو کوشتن. د سەر بوویەرێ رە دو سال دەرباس بوون. ل ئالیێ دن یەنەکێ ل سەر ڤێ بوویەرێ نخوماند.
سلێمانی وەک گۆرستانا کادرۆیێن پەکەکێ لێهاتیە. ژ سالا 2019 ڤە ب دەھان کادرۆیێن پەکەکێ ل سلێمانیێ ژ ئالیێ ئارتێشا ترکیێ ڤە ھاتنە ئارمانجکرن. دارکا مازی بەرێ راپۆرەک ئامادە کربوو کو 16 رێڤەبەرێن پەکەکێ یێن پایەبلند ل سلێمانیێ ھاتنە کوشتن. پشتی وێ، ئەڤ بوویەرە بوونە تشتەکی ئاسایی یێ رۆژانە. ب تایبەتی ل باژاران گەلەک رێڤەبەرێن پەکەکێ ھاتن کوشتن.
یەنەکێ ئێریشێن ل سەر کادرۆیێن پەکەکێ وەک پرۆپاگاندایێ و وەک ئاموورەکی مەخدووریەتێ ب کار ئانی. ب نیشاندانا خوە وەک دژبەرێ ترکیێ، یەنەکێ خوە خست رۆلا کوردێن وەلاتپارێز. لێ بەلێ، رەوش نە وسا بوو.
یەنەکە ل بەندێیە کو ترکیە نەرمیێ نیشان بدە، ب تایبەتی د مژارێن وەکی ڤەکرنا بالافرگەھا سلێمانیێ دە، و ژ بۆ ڤێ یەکێ ئامادەیە ھەر جورەیێ تەعویزێ بدە. ژ بلی داخویانیێن چاپەمەنیێ، یەنەکێ چ تەڤگەر نەکر. ب تایبەتی، تەڤی کو دەرفەت ھەبوو کو بکوژێن کەسێن ل باژاری ھاتنە کوشتن بێنە گرتن، د ڤێ مژارێ دە ژی پر نە ئەکتیف ما. ژ بەر کو گرتنا کوژەران دا ترکیێ هێژ پێتر ھێرس کت. ژ بەر ڤێ یەکێ، کەسێن کو کادرۆیێن پەکەکێ کوشتن، ب ھێسانی ژ سلێمانیێ دەرکەتن.
د ڤان بوویەران دە، تەنێ کوژەرێ ناگیھان ئاکارسەل ھات گرتن. کوژەر د 10 جۆتمەھێ دە ب ئۆپەراسیۆنا ھەڤبەشا ئاساییشا ھەولێر و کۆیێ ھات گرتن. ھەتا وێنەیێن کوژەری ل VOA-دەنگێ ئامەریکا ھاتن وەشاندن و ھەڤپەیڤینەکا کورت لگەل کوژەری ھات وەشاندن. ھات گۆتن کو کوژەر ھەمباژارییێ ناگیھان ئاکارسەلە، یانی کوردەکی ژ کۆنیایێ یە. لێ د ناڤ دو رۆژان دە ھەم مەدیایا یەنەکێ و ھەم ژی VOA-دەنگێ ئامەریکا وێنە و نووچەیێن دەربارێ کوژەری دە ژێ برن. پشتی وێ تاریخێ، یەنەکە کەتیە بێدەنگیەکە مەزن.
یا بالکێش ئەڤە کو رێڤەبەریا پەکەکێ و چاپەمەنیا وێ، کو چ دەرفەتان ژ دەست نادەن ژ بۆ سووچدارکرنا حکوومەتا ھەرێما کوردستانێ، لێبەلێ د مژارا کوژەرێ ناگیھان ئاکارسەل دە بێدەنگ مان و قەت نەپرسی کا کوژەر ل کویە و چ جەزال سەر ھات سەپاندن.
دارکامازی، د سالڤەگەرا دویەمینا بوویەرێ دە، لێکۆلین کر کا چما ھەم یەنەکە و ھەم ژی پەکەکە د مژارا وەنداکرنا کوژەری دە بێدەنگ مان و ل سلێمانیێ ژ چاڤکانیێن نێزیکی یەنەکێ ئاگاھی وەرگرتن. ل گۆری ڤێ، پشتی هوشدارییا کو ترکیێ دای یەنەکێ، کوژەرێ ناگیھان ئاکارسەل وەندا بوویە.
ل سەر داخوازا بالیۆزێ ترکیێ یێ بەغدایێ، یەنەکێ کوژەرێ ئاکارسەل بەرزە کر
چاڤکانیێن نێزیکی یەنەکێ دبێژن کو پشتی نووچەیا کو کوژەرێ ئاکارسەل ھاتیە گرتن، ترکیەیێ ب رێیا بەغدایێ دەستوەردان د مژارێ دە کریە. ل گۆری ڤێ، بالیۆزێ ترکیەیێ ل بەغدایێ عەلی رزا گونەی، لگەل سەرۆککۆمارێ ئیراقێ (کو ئەندامێ یەنەکێ یە و مێرێ خالەتا بافل تالابانیە) عەبدولەتیف رەشید ھەڤدیتن پێک ئانیە و خوەستیە کو مژارا کوژەرێ ناگیھان ئاکارسەل ژ رۆژەڤێ وەرە دەرخستن. چاڤکانیێن یەنەکێ دبێژن کو کۆنسۆلۆسێ ترک ھشیاری دایە و گۆتیە “ئەگەر ئەڤ مژارە مەزن ببە، ھەلوەستا مە یا ل ھەمبەری یەنەکێ دێ ھین توندتر ببە”. پشتی کو سەرۆککۆمارعەبدولەتیف رەشید مژار گۆتیە ھەڤژینا خوە شاناز ئیبراھیم و بافل تالەبانی، یەنەکێ نووچەیێن گرتنا کوژەری راکرنە.
چاڤکانیێن یەنەکێ دبێژن کو دەربارێ جھێ کوژەری دە ئاگاھیێن وان تونە نە. ھن چاڤکانی دبێژن کو کوژەر رادەستی بەغدایێ ھاتیە کرن. ھەتا تێ گۆتن کو بافل تالابانی گۆتیە “ل شوونا کو ئەم کوژەر وەک بۆمبەیەکە کو ھەر کێلی دێ بتەقە د دەستێ خوە دە بگرن، ئەم بدن بەغدایێ و ژێ خەلاس ببن”. لێ دیسا ژی چ ئاگاھیەکا زەلال ل سەر رەوشا کوژەری تونەیە کو ل کویە. ھەتا د چ دادگەھێن سلێمانیێ دە ناڤێ وی دەرباس نابە.
د جینایەتا ناگیھان دە رۆلا سازیێن پەکەکێ ھەبوو
پەکەکێ ژی ل سەر داخوازا یەنەکێ دەربارێ مژارێ دە بێدەنگ ما. وەکی کو کوژەر قەت نەھاتبە گرتن، پەکەکێ قەت ل چارەنڤیسا کوژەری نەپرسی. ھەر وھا، تێ گۆتن کو ژ بلی کوژەرێ خەلکێ ترکییێ یێ ئاکارسەل، ھندەک کەسێن د ناڤ سازیێن پەکەکێ دە جھ دگرن و پشتگری دانە کوشتنێ ھەنە. یەک ژ ڤان، کارمەند کەمال نورەددینە کو ئەندامێ رێخستنا جوانان یا پەکەکێ ل ھەرێما کوردستانێیە کو ب ناڤێ “کۆمەلەیا جوانێن وەلاتپارێزێن کوردستانێ” تێ زانین، ژ ئالیێ یەنەکێ ڤە ھاتبوو بنچاڤکرن. لێ ژ وی ژی چ خەبەر دەرنەکەت.
دادگەھا ھەولێرێ د ناڤ 11 مەھان دە سزا دابوو کوژەران
ھەیا نھا گەلەک کێم کەسێن تێکلداری پەکەکێ ل دوھۆک و ھەولێرێ ھاتنە کوشتن. د چەند بوویەرێن کو قەومین دە، کوژەر و تێکلدارێن وان ھاتن گرتن و سزایێن حقوقی ل وان ھات برین. میناک، دەنیز جەواد بولبول، کو بەرپرسیارێ جوانان یێ پەکەکێ ل باکورێ کوردستانێ بوو، سالا بۆری د 23 ئیلۆنێ دە ل ھەولێرێ ھات کوشتن. ئەڤ کەس کو ل نڤێسینگەها کەنەکێ (رێخستنەکە گرێدایی پەکەکێ ل ئەورۆپایێ) ل ھەولێرێ دما، پشتی کو ھات کوشتن، کوژەر ھاتن گرتن. و د 10 تەباخێ یا ئیسال دە، دو کوژەرێن کو ھاتن گرتن، سزایێ زیندانکرنا ھەتا ھەتایی سەر وان ھات دایین.
ھەولێرێ، دگەل ھەموو زەختێن ترکیەیێ، کوژەرێن بولبول ڤەنەدشارتن و ب ئەشکەرەیی ئەو دادگەھکرن و سزایێ زیندانیکرنێ ھات برین.
