ل گەرمیانێ یه‌نه‌كێ عەرەب ئانینە دەنگدانێ

یه‌نه‌كێ ل گەرمیانێ كه‌سێن عەرەب ئانینە دەنگێ خوە بدن، هه‌روه‌ها ل دەردۆرا ناڤەندێن دەنگدانێ چادر دانینە و ب رییا ته‌له‌فوونێ ب دارێ زۆرێ دەنگدێران دکشینن.

چاڤدێرەکی پرۆسەیا دەنگدانێ ل گەرمیانێ ژ کوردستان24ێ رە راگهاند، «تەڤی کو ل چەند جهان پرۆسە ب باشی برێڤە دچە، لێ چادر ل کێلەکا هەموو ناڤەندێن دەنگدانێ یێن باژارێ کەلارێ هاتنە ڤەدان و ژ ور ژی بانگ ل خەلکێ دکن و خەلکێ نەچار دکن کو ژ بۆ دەنگدانێ دەرکەڤن.

«ل هنەک ناڤەندێن دەنگدانێ ئەز چووم ژ بۆ وەرگرتنا ئاماران و ئاگاهیان، من خەلکێ عەرەب دیتن كو ئانینه‌ دەنگدانێ، گه‌لۆ وەلاتیێن کوردێن د سینۆرێ مادەیا 140 دە مافێ دەنگدانێ تنە، لێ وان خه‌لكێ عه‌رب ئانینە كو یێك په‌یڤا كوردی ژی نزانن بئاخڤن، ئانینه‌ ژ بۆ كو ده‌نگی بدن پارتیا ده‌ستهلاتدار ل وێ ده‌رێ!».

گۆت ژی: «وان گلی ل کۆمیسیۆنێ کریە و دڤێ کۆمیسیۆنێ ئانینا عەرەبان و بەشداربوونا وان د هلبژارتنێن پارلامەنتۆیا کوردستانێ دە ئەشکەرە بکە».

د دەنگدانا تایبەتا هەرێما کوردستانێ و چەند پارێزگەهێن ئیراقێ دە کو ژ بۆ گەرا شەشەم یا هلبژارتنێن پارلامەنتۆیا کوردستانێ برێڤە چوو، نامزەده‌كی ره‌یان کلدانی ل باژارۆکێ چوارتا یێ هەرێما شارباژێر 14 قات زێدەتر ژ یه‌نه‌كێ دەنگ بدەست خستنه‌، ل ده‌مه‌كێ ت مالباتێن مەسیحی ل وێ هەرێمێ تونه‌نه‌.