فەرماندەیێ گشتی یێ هێزێن سووریەیا دەمۆکراتیک (ههسهدێ) راگهاند، ترکیە ب ئارمانجکرنا ناڤەندێن خزمەتگوزاری و تەندورستیێ ل رۆژئاڤایێ کوردستانێ تاوانێن شەر دکە.
فەرماندارێ گشتییێ ههسهدێ مەزلووم عهبدی ل هەژمارا خوە یا تۆرا جڤاکی «X» راگهاند، «ترکیە ب ئاوایەکی بێ سەرووبەر و بێ بنگەهـ هەرێمێن مە بۆمبەباران دکە، ناڤەندێن خزمەتگوزاری و تەندورستیێ و سڤیلان دکە هەدەف. ئەڤ سووجێن شەرن».
هەروها گۆت: «مە گەلەک جاران ئامادەبوونا خوە ژ بۆ دییالۆگێ ئانیبوو زمان، لێ ئەم تەکەز دکن کو هێزێن مە ژ بۆ پاراستنا گەل و ئاخا خوە ئامادەنە».
ترکیێ دەرەنگێ شەڤا بۆری ئارتێشا ترکیەیێ گەلەک جهـ و خال ل باژارۆکێ تل رفعەتێ، کۆبانێ، قامشلۆ و دێرکێ بۆمبەباران کرن و د ئەنجامێ دە 4 کەس هاتن کوشتن و 14 کەس ژی بریندار بوون.