بووبێ ئەسەر
رۆژا وەلاتێ مە پەرچە کرن و ل ھەڤ پارڤەکرن، ھەدەف و ئارمانجا داگیرکەران ئەو بوو کو ھێدی ھێدی کوردان ژ زمان و عادەتێن وان دوور بخە دا کو وەکە کورد نەمینن.
ژ بەر کو داگیرکەرێن مە باش زانیبوون، ملەتێ ژ عادەت و زمانێ خوە دوور بکەڤە ئەو ملەت، ئەو گەل ژی دێ رۆژەکێ تونە ببە.
ل سەر ڤی ئەساسی وان دەست ب کوشتن، قرکرن و وێرانیا کوردان و وەلاتێ وان کرن. ھەر داگیرکەرەکی ب سەرێ خوە، لێ ل گۆر ھەدەف و ئارمانجا ھاتبوو دەستنیشانکرن تەعدا، زلم و زۆراداری ل کوردان کرن و ھێ ژی دکن.
ل ڤێ جیھانێ زلم، زۆرداری و وەحشیەتا ژ لایێ داگیرکەران ئانیبوون سەرێ گەلێ مە، ل چ دەرەکە دن نەھاتیە سەرێ چ ملەتان. لێ چ ملەتان ژی ب قاسی کوردان ل بەر خوە نەدانە.
ل زیندانێن ئیراقێ یێن ترکییێ یێن سووریێ و یێن ئیرانێ بنەرن و ببینن د وان دە چ ئانیبوون سەرێ کوردان. کا چاوا د ناڤا وان چار دیوارێن کو نەدھشتن دەنگ و ھاوارا کوردان بەلاڤ ببە، دانین و ئانیبوون سەرێ، رێبەر و رەوشەنبیرێن وان. سیاسەتمەدار و زانایێن وان، د کوشتن یا ژی بێ دەنگ دکرن. لێ دڤێت کورد ژ بیر نەکن کو زیندانێن پەکەکێ ژی نە کێمی یێن داگیرکەرێن مە نە.
ھەر رووخاندنا داگیرکەرەکی مە، ب مە و جیھانێ ددە زانین کو بێ وان چ ئانیبوون و تینن سەرێ کوردان. رۆناهی ل وان گرتیێن وەلاتپارێز کربوون و دکن شەڤرەش، گەلەکان ب سالان رۆناھی نەدیتن. ژ بیر کربوون کو شەڤ و رۆژ ھەیە یان نا. د زیندانێن پەکەکێ دە ژی ھەمان تشت ھەنە و ھەبوون.
پشتی رووخاندنا ئیراق و سووریێ د زیندانێن وان یێن بنەرد دە، ھاتە دیتن کو گرتیێن کوردان چاوا د وان دە جان دابوون و ھاتبوون کوشتن یان دارڤەکرن. ئەم دزانین کو ل بیقاعێ و ل کامپێن پەکەکێ ژی ب سەدان ھەتا ب ھەزاران جوانێن کورد د بەر ھیچەکێ دە ھاتن کوشتن و ل جھێن نە دیار ھاتبوون بنەردکرن.
لێ د ڤێ سەد سالێ دە دیسا کوردان ل بەر خوە دان. زمان و عادەتێن خوە ژ بیر نەکرن. زمانێ داگیرکەران نەخستن دەڤێ خوە و ل سەر کۆکا خوە مەزن بوون ھەتا کو پەکەکە دەرخستن.
پەکەکە پرۆژەیا تێک برنا ھەبوونا کوردان بوو کو د داویا سەد سالان دە ھەمی کورد ببن وەکە داگیرکەرێن خوە. ئانگۆ زمان و عادەتێن کوردان تێک ببن. وان ژ وان دوور بخن. لۆما ژی پەکەکە ھاتبوو ئانگۆ دامەزراندبوون.
ھەر رووخاندنەک داگیرکەرێن مە، دبە رۆناھیا شەڤرەشا کو کورد تێ دە ژیابوون. ئەڤە سەد سال دەرباس بوون کو کورد ھێ ژی د بن زلم و زۆداریا داگیرکەران دە دژین. دودۆ چوون ما دودۆ… لێ رۆژا داوی ئانینا پەکەکێ ژی دێ بێ دیارکرن کو کریار و بوویەرێن وان نە کێمی یێن داگیرکەران بوون کو ل ھەمبەر کوردان ب کار ئانیبوون و تینن. ئەو ژی یەک ب یەک دێ بێنە ئەشکەرە کرن.
ئاڤا سەرێ ئیران و ترکیە ژی دکەلە و دۆرا وان نە زێدە دوورە. پشتی سووریێ ڤێ جارێ دۆرا ئیرانێ یە. ئەمێ ب خێر رووخاندنا وێ ب چاڤێن خوە ببینن. لێ قەلا ھەری مەزن و زۆر ترکیەیە. ژ بەر کو ترکیێ خوەدی ھن ئاڤانتاژێن باشن. یەک ئەنداما ناتۆیە. دودۆ نامزەدێ بەر ئەندامێ یەکتیا ئەورۆپایە. سسێ ھێزەک کوردان یا نەتەوەیی تونەیە.
نھا ترکیە ڤێ رەوشێ باش دزانە و تێگھشتنە کو ئەڤە ژ وان را نەمینە. لۆما دخوازن وەکە پەیمانا لۆزانێ جارەکە دن بینن سەرێ کوردان. ئەو ژی ئەڤە.
ل سەر ناڤێ پەکەکە-دەمێ دخوازن کوردان، بێتر باکورێ کوردستانێ بێ تەسیر بکن و کرنە ژی. ژ بەر کو یەکیتی و ھەڤرێزیا تەڤگەرێن وەلاتپارێز یێن ل باکورێ کوردستانێ تونەیە. ترکیێ وێ ھەول بدە کو دەمێ بکە بەرپرسێ کوردان و ل سەر ناڤێ وێ کو ئەو ژی تشتەکی ناخوازە، پەیمانەکە وەکە یا لۆزانێ بدن ئیمزەکرنێ. ھا وێ چقاسی ب سەرکەڤە، ئەڤ ھێ نە زەلالە.
پشتی کو پەکەکە دامەزراندن خوەستن کو ل سەر دەستێ وێ ھەمی ھێژایی و عادەتێن کوردان تێک ببن دا کو کورد ژ کوردبوونا خوە دوور بکەڤن و ئەو ژی وەکە کێمنەتەوەیێن دن ببن ترک. خوەستن ترکبوونا کوردان ژی ل سەر دەستێ پەکەکێ پێک بینن. ل گۆر باوەریا من ل باکورێ کوردستانێ ھەتا دەرەجەیەکێ ب سەر ژی کەتنە.
دیسا ل گۆر من سەرکەتنا پەکەکێ ژ تونەبوونا ھێزەکا کوردان یا نەتەوەیی و نە لھەڤکرنا وان یا ل سەر خەتا نەتەوەیی بوو. ژ خوە نەباوەریا ھندەک پارتیان کو جارنا ل گۆر بەرژەوەندیێن شەخسی و رێخستنێ خوە نێزیکی پەکەکێ دکن کو ئەڤ ژی دبە سەدەم کو ھێزێن کوردان نکارن د بن سیوانەکا نەتەوەیی دە یەکیتی و یەکرێزیا خوە پێک بینن.
گۆتنا من تالی ئەوە کو دڤێت پارتی، رێخستن و تەڤگەرێن سیاسی یێن باکورێ کوردستانێ ژ نوودە ل ھەڤ ڤەگەرن. خوە ب تەمامی ژ پەکەکێ و ھەمی رێخستنێن وێ و ژ پارتیێن خوە نێزیکی وێ دکن و کربوون دوور، ل سەر خەتا نەتەوەیی ئەنیا خوە دامەزرینن.
دەم و دەوران وەکە چەمێ دجلە و فراتێ دحەرکە. دڤێت کوردێن باکورێ کوردستانێ دەستێن خوە یێن براتی و نەتەوەیی زوو بکن یەک. ھەگەر ل ترکیێ ژی روودانەک چێ ببە، بلا ھێزا وان یا کو وێ گەلێ خوە بێ ئالتارناتیف نەھێلە ئامادە بە.
یا نا وێ ل سەر دەستێ دەمێ ل گۆر ھەدەف و ئارمانجا پەکەکەیا کو داگیرکەران دامەزراندبوون، ھەمی ھێژایی و ھەبوونێن کوردان بکن قوربانا کۆمارا ترکیێ. ھەگەر نە ژ پشتگریا کوردان بە، ترکیێ نکارە خوە زێدە ل سەر لنگان بھێلە. ژ بەر کو ژ رۆژا دامەزراندنا خوە و ھەتا نھا ل سەر دەستێ کوردان ب ئالیکاری و پشتگریا کوردان ھەبوونا خوە پاراستیە. چ دەما جھ ل وان تەنگ بوویە، کورد کرنە برایێ خوە. د فرەھیێ دە ژی قەتلیعام، کوشتن و وێرانی ئانینە سەرێ کوردان…
