تەڤی کو چاڤێن هەر کوردەکی ل هەر پەرچەیەکا کوردستانێ ل سەر رۆژئاڤانە، و پشتی تێکچوونا رەژێما سووریەیێ و دەرفەت و خەتەریێن نوو یێن ل سەر رۆژئاڤا کوردستانێ دەرکەتین، هێڤیا هەموو کوردان ئەڤە کو یەکێتیا د ناڤبەرا کوردان دا ل رۆژئاڤا کوردستانێ پێک وەرە و ب شاندەکا هەڤپارا دانوستاندنێ بچن شامێ. هەتا گەلەک ئالی و سازیێن رۆژئاڤا ژی، ل شوونا کو ل سەر پرسگرێکێن کەڤن گۆتووبێژان بکن، دخوازن کێشەیێن رابردوو دانن ئالییەکێ و بالا خوە بدن لێگەرینێن ل سەر پاشەرۆژێ. لێ بەلێ وەک دخویە پەکەکە رێ ب یەکیتیا کوردان نادە و دخوازە هەولێن ل هەڤ نێزیکرنا کوردان و یەکیتیا کوردان ژ ناڤ ببە.
پەکە جارنا ب پارڤەکرنا دەرەوان د مەدیایای خوە دە، جارنان ژی ب خایین دانە ناساندنا ئەنەکەسێ و پەدەکێ هەول ددە تەڤ دەرفەتێن د دەست کوردان دە ژ بۆی یەکیتیا کوردان چێببە ژ ناڤ ببە، ژ بەر کو گەر یەکیتیەکا راستەقینە د نێڤەبەرا کوردان دە ل هەر دەرێ چێببە ئەڤ وێ د بەرژەوەندیا پەکەکێ دە نەبە، لۆما تام دخوازە پسگرێکان ژ ڤێ یەکێ رە چێکە.
پێش نها ب دەرەو و دەزەنفۆرماسیۆنان د مەدیایا خوە دە و د نها دە ژی ب رەڤاندنا کادرۆیێن ئەنەکەسێ هەول ددە ئاستەنگان ل بەر دانوستاندنێن د نێڤبەرا ئەنەکەسێ و پەیەدێ دە ژ بۆی پێکانینا یەکیتیا کوردان چێبکە.
وەک تێ زانین دوهـ د نێڤبه‌را ئه‌نه‌كه‌سێ و هه‌سه‌دێ ده جڤینەک گرینگ هات ل دارخستن. ته‌ڤی كو په‌كه‌كه ده‌وام قالا یه‌كرێزییا كوردان دكه، لێبه‌لێ ب رێزكه‌كێ ژی ئه‌ڤ گاڤا پڕ گرینگ یا ل رۆژئاڤا د مەدیایا خوە دە به‌حس نه‌كر، بەرەڤاژی ڤێ یەکێ د مەدیایا خوە دە ئێریشی سەر ئەنەکەسی و پەدەکێ کر و ئەو ب خایین ب ناڤ کرن و ب دەهان دەرەو د دەربارا وان دە پارڤە کرن.
د جڤینا کو د نێڤبەرا ئەنەکەسێ و پەیەدێ دە ب گارانتۆریا هەڤپەیمانیا ناڤده‌وله‌تی یا كو ئامه‌ریكا سه‌رپه‌رشتییا وێ دكه، ل حه‌سه‌كێ هاتی لدارخستن دە، دانوستاندن ل سەر چەندین خالێن گرینگ وەکە سەکناندنا بوویەرێن رەڤاندنا کادرۆیێن ئەنەکەسێ و بەردانا گرتیێن سیاسی یێن ئەنەکەسێ د زندانێن پەیەدێ دە هات کرن، ئەنەکەسێ ب ئامادەبوونا نوونەرێ ئامەریکایێ داخوازا گارانتیێ کر و مەزلووم عەبدی ژی پێشوازی ل ڤێ یەکێ کر، لێ بەلێ هێژان 12 ساعەت ل سەر ڤێ جڤینێ دەرباس نەبووی پەکەکێ یەک ژ کادرۆیێن ئەنەکەسێ یێ ب ناڤێ “فەیسەل قادر” د ساعەت 6ی سەرێ سبەهێ دە رەڤاند و بەر ب جیهەکی نەدیار ڤە بر.
ئەڤ ژی ب زەلالی نیشان ددە کو پەکەکە ت جاری نە لگەل یەکیتیا کوردان دە یە و هەرتم دخوازە پرسگرێکان ژ کوردان رە چێکە، ژ بەر کو پەکەکە د کەشەکە ئارام دە نکارە بەردەوام بە، ئەو ب تەنێ د کەشەکە تەڤلیهەڤ و توند دە دکارە خوە راگرە و بەرژەوەندیێن خوە بپارێز، ئەڤ یەک پێش نها ژی هاتیە تەجرووبە کرن، بۆ میناک، دەما ل باکورێ کوردستانێ باسی پێڤاژۆیا ئاشتیێ دهات کرن، پەکەکێ ئێریشی سەر دو پۆلیسێن ترکیەیێ کر و ئەو کوشتن، د ئەنجام دە پێڤاژۆیا ئاشتیێ هات سەکناندن، دەما جارەکە دن د ئیسال دە باس ل پێڤاژۆیەکە نوو یا چارەسەریێ هات کرن، پەکەکێ د 23/10/2024 دە ل ئەنقەرەیێ ئێریش بر سەر سازیا ئاسمانی و پیشەسازیا فەزایێ یا ب ناڤێ (توساس) و د ڤێ ئێریشێ دە 4 کەسان ژیانا خوە ژ دەست دان، 14 کەسێن دن ژی بریندار بوون، د ئەنجامێ دە چ چێبوو؟ ئارتێشا ترکیەیێ، ژ بەر بوویەرا توساسێ، 42 جهـ و خالێن لەشکەری و سڤیل ل رۆژئاڤا و باشوورێ کوردستانێ کرن ئارمانج و هەژمارەکە کوردان بوون قوربانی.. میناکێن ب ڤی ئاوا پڕ زێدە نە و ئەم نکارن هەموویان د ڤێ نڤیسێ دە باس بکین.
نها ژی هەمان رەوش تێ ژیان کرن، لێ ڤێ جارێ پەکەکە نە ژ بۆی پرسگرێک دەرخستنا د نێڤبەرا خوە و دەولەتا ترکیەیێ دە، بەلکو ژ بۆی دەرخستنا پرسگرێکان د نێڤبەرا کوردێن رۆژئاڤا دیسا ب هەمان ئاوا تەڤ دگەرە و دخوازە جڤینێن وان ڤالا دەرخە، لۆما هێژان 12 ساعەت دەرباس نەبووی کادرۆیەکی ئەنەکەسێ ل رۆژئاڤا رەڤاند، ئەڤ د دەمەکی دە یە کو ئەنەکەسێ د جڤینا خوە یا ب مەزلووم عەبدی رە، داخوازا سەربەستبەردانا گرتیێن سیاسی کربوو و هەیانی رادەیەکێ ژی مەزلووم عەبدی رازیی بووبوو.
ئەڤ بوویەر ب زەلەلالی خویا دکە کو ت جار پەکەکە ناخوازە یەکیتیا کوردان ئاڤا ببە، بانگەشەیێن ئەو ژ بۆی ڤێ یەکێ دکە ژی، ژ بلی دەرەوەکە مەزن کو تێ دە دخوازە کوردان بخاپینە نە تشتەکە دنە، لۆما دڤێت کورد ب ئاوایەکی گشتی پەکەکێ رەخنە و روورەش بکن.
