رێخستنا په‌كه‌كێ ناسنامەیێن دو گەریلایێن دن ئاشكه‌ره كر كو ل جۆتمه‌ها ئیسالێ ل هەرێما خاكوركێ جانێ خوە ژ دەست دانە و ئیرۆ پاش ده‌رباسبوونا 82 رۆژان ژ نوو ڤه مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا شه‌می 28 كانوونا 2024ێ دا زانین کو گەریلایێن ب ناڤێن زه‌لیخا مه‌حجووب و زه‌ینه‌ب ئاسلان ل 6 جۆتمه‌ها 2024ێ ل خاكوركێ جانێ خوە ژ دەست دایە.
ئاگاهیێن ل سەر ناسنامەیا گەریلایان ب ڤی رەنگینە:
زه‌لیخا مه‌حجووب: ناسناڤێ وێ ئه‌كین دیلدا یه، ژ ئه‌رزه‌روومێ یه.
زه‌ینه‌ب ئاسلان: ناسناڤێ وێ میترا مانی یه و ئه‌و ژ شرنه‌خا باكورێ كوردستانێ یه.
ئه‌ڤ دو گه‌ریلا ل چیایێ خاكوركێ كه‌تنه به‌ر ئێریشان، په‌كه‌كێ مرنا وان ل مالباتێن وان ڤه‌شارتبوو و پاش ده‌رباسبوونا دو مه‌هـ و 22 رۆژان ژ نوو ڤه ئیفشا كر، ل گۆری ئاگاهیێن ده‌ستێ مه، هێژان ب سه‌دان كه‌چ و جوانێن كوردان مانه یێن كو په‌كه‌كێ د سال و مه‌هێن به‌رێ ده دا نه كوشتن و هێژان مرنا وان ئیلان نه‌كریه.
