ترکیەیێ 2 چەکدارێن ژن یێن پەکەکێ کوشتن
ل گۆر چاپەمەنیا ترکیێ سازیا ئیستخباراتا میلی یا ترکیەیێ (میت)ێ ل ھەرێما خاکورکا ھەرێما کوردستانێ ئۆپەراسیۆنەک پێکانیە و د ئەنجامێ دە ژنا ب ناڤێ زەینەب ئاسلان و زلەیخا مەحچوپ ھاتنە کوشتن.
ھات راگەھاندن د ئەنجاما ئۆپەراسیۆنا میتێ دە ئەنداما رێخستنا پەکەکێ/کەجەکێ زەینەب ئاسلان یا کو وەک میترا مانی تێ ناسکرن و زلەیخا مەھچوپا کو وەک ئەکین دلدا تێ ناسکرن د ئۆپەراسیۆنەکی دە ل خاکورکێ ھاتنە کوشتن.
ل گۆر چاپەمەنیا ترکیەیێ کو نووچە سپارتیە چاڤکانیێن ئەولەھیێ، میتێ ئاگاھداری وەرگرتیە کو ئەو ھەردو چەکدارێن ژن خوە ئامادە دکن ل ترکیێ ل سەر ئارمانجێن ستراتەژیک چالاکیان بکن و ب وی ئارمانجی پەروەردە دبن.
ھات راگەھاندن ل سەر وێ ئاگاھیێ میتێ ب ئۆپەراسیۆنەکێ ل خاکورکێ ھەردو چەکدارێن ژن یێن پەکەکێ کوشتنە.
ل گۆر ھەمان چاڤکانیێ ھەردو چەکدارێن پەکەکێ سالا 2015 دە تەڤلی رەفێن رێخستنێ بوونە.
