تاوانا قرێژ و هەڤپار یا دەولەتا ترک و پەکەکێ ژ بۆی کوشتنا سڤیلان: مەرتالێن زندی

پلانا قرێژ و هەڤپار یا دەولەتا ترک و پەکەکێ ژ بۆی کوشتنا سڤیلان: مەرتالێن زندی

د رۆژا 8/1/2025 دە پەیەدێ ژ بۆی شەرمەزارکرنا ئێریشێن کۆمێن گرێدایی دەولەتا ترکیەیێ ل سەر بەنداڤا تشرینێ و پرا کاراکۆزێ هەژمارەکە سڤیلان سەوقی هەرێمێ کرن و ئەو وەکە مەرتالێن زندی بکار ئانین، پشترە کۆمێن چەکدار یێن سەر ب ترکیەیێ ڤە ب بۆمبەیان ئێریشی سەر گەلێ سڤیل کرن و 6 کورد کو ژن ژی د ناڤ وان دە ھەبوون، ل نێزیک بەنداڤا تشرینێ ھاتن کوشتن.

ئەڤ نە جارا یەکەمە پەکەکە/پەیەدە سڤیلان وەکە مەرتالێن زندی بکار تینە، پێش نها ژی ب سەدان جاران ئەڤ یەک پێک ئانیە، د ت جیەکی ڤێ دنێ دە ت کەس و ئالی سڤیلان وەکە مەرتالێن زندی بکار نایین، لێ پەکەکە/پەیەدە ژ بۆی پاراستنا خوە دەست ژ ت تشتەکی بەرنادن، ل جەم وان جانێ سڤیلان و یاسایێن شەری و کەسێ ل همبەر شەری دکن ت گرنگیەک تونە، یا ژ وان رە گرینگ ب تەنێ پاراستنا بەرژەوەندیێن پارتیێ و خولقاندنا کەرەستەیێن پێویست ژ بۆی پرۆپاگاندایا د مەدیایێ دە یە.

ل سەر ڤێ یەکێ کو ترکیە وەکە دەولەتەکە داگیرکەرا کوردستانێ یەک ژ وان دەولەتێن هۆڤە کو ت سینۆرەک ژ هۆڤیتیا وێ یا ل همبەر گەلێ کورد رە تونەیە، گومان نایێ کرن، هەر کەس دزانە ژ دەولەتا ترک رە نە گرینگە کوردێ ل همبەر وێ دسەکنە چەکدارە یان ژی کەسەکی سڤیلە، د هەر دو حالەتان دە دەولەتا ترک ب چەک ل دژی وان رادوەستە و دکوژە، وێ دەمێ چما رەغمی وێ یەکێ کو پەکەکە باش دزانە گەر سڤیلان سەوقی هەرێما شەر بکە وێ ژ ئالیێ دەولەتا داگیرکەرا ترکیەیێ ڤە وەرن ئارمانجکرن و کوشتن، لێ دیسا ڤێ یەکێ پێک تینە؟ بەرسڤ پڕ ئەشکەرەیە؛ ژ پەکەکێ رە ب تەنێ بەرژەوەندیێن وێ گرینگن و نە ت تشتەک دن.

بەلێ، ترکیە دەولەتەکە داگیرکەر و هۆڤە، لێ بەلێ بکارئانینا سڤیلان ژ بۆ بەرژەوەندیێن خوە ژ ئالیێ پەکەکێ ڤە، د دەمەکی دە کو باش فێم دکە دێ وەرن ئارمانجکرن و کوشتن نە تەنێ چالاکیەکە دووری مرۆڤایەتیێ یە د ھەمان دەمێ دا چالاکیەکە کو بێچارەتی و ھلوەشینا ئەخلاقی یا ڤێ رێخستنێ نیشان ددە.

پێویستە گەلێ کورد ب گشتی و گەلێ رۆژئاڤا ب تایبەتی ل ھەمبەری قەتلکرنا ڤان 6 کەسان ھەم ل دژی دەولەتا ترک و ھەم ژی ل دژی پەکەکێ بەرتەکێن مەزن نیشان بدە، دا کو ت یەک ژ ڤان هێزان جارەکە دن جورئەت نەکە کارەکە ب ڤی ئاوا دوور ژ لۆژیک ئەنجام بدە. ڤەگوھەستنا سڤیلان ژ ئالیێ پەکەکێ ڤە بۆ ھەرێمێ نە ب تەنێ هەلوەستەکە شاشە، د هەمان دەم دە تاواناکە ل دژی مافێن مرۆڤە و دڤێت ب ت ئاوا نەیێ قەبوولکرن.

پەکەکە ب قاسی دەولەتا ترک ژ کوشتنا ڤان سڤیلان بەرپرسیارە، ژ بەر کو پەکەکێ باش دزانی کو دێ سڤیل وەرن ئارمانجکرن، لێ بەلێ دیسا ژی ئەو خستن همبەر کەسێن ب خوینا کوردان تێر نابن، ئەڤ هەولەستا پەکەکێ مینا هەلوەستا وی کەسی دمینە یێ کو بەرخێ خوە دخە همبەر گورگەکی برچی، گورگ چقاس ژ خوین و گۆشتێ بەرخی حەز دکە ب هەمان ئاوایی ژی ترک ژ خوینا کوردان حەز دکن و هەر تم دخوازن خوینا کوردان برژینن.

پوستێن ھەمان بەش