رێڤه‌برێ په‌كه‌كێ مورات كارایلان، بۆ مه‌دیایا رێخستنا خوه ئاخڤی و هن نرخاندن كرن، وی د به‌شه‌كی گۆتنێن خوه ده ب ئاوایه‌كی شه‌رمینۆك ده‌وله‌تا ترك ره‌خنه كر و ژێ ره گۆت كو پێڤاژۆیا ئاشتیێ ل هۆلێ یه لێ هێژان زمان ژه‌هری یه.
مورات كارایلان ئه‌ندامێ كۆمیته‌یا جیبجیكار یا پارتیا كاركه‌رێن كوردستانێ، رۆژا 10ی چله‌یا 2025ێ بۆ ئاژانسا ئانفێ یا په‌كه‌كێ ئاخڤی، ده‌ربارێ پێڤاژۆیا ئاشتیێ و رۆژئاڤا كوردستانێ و هن مژارێن دن نرخاندن كر، 6 جاران ژی ئێریشی په‌ده‌كێ كر.
پێڤاژۆ ئاپۆیه و ئاپۆ هه‌ر تشته
كارایلان ده‌ربارێ هه‌ولدانێن ئه‌نقه‌ره‌یێ و پێڤاژۆیا چاره‌سه‌ریێ كو ده‌مه‌كه گاڤ بۆ تێن ئاڤێتن گۆت: «ئەڤ خەباتەکە گەلەک هێژا و ب نرخە. مە وەکی تەڤگەر ب ئاوایەکی فەرمی راگهاند کو ئەمێ پشتگریێ بدن پێڤاژۆیا کو رێبەر ئاپۆ دێ پێش بخە. تەڤگەر و پارتیا مە هەتا هەتایێ گرێدایی رێبەر ئاپۆیە و باوەریەکە خورت هەیە. د ڤی واری دە تو پرسگرێک نینە».
ل گۆری كارایلان هه‌ر پێڤاژۆیه‌كه بۆ ئاشتیێ ل تركیه‌یێ پێش دكه‌ڤه واته‌یا خوه نینه هه‌گه‌ر نه ژ ئۆجالان و ژ بۆی ئۆجالان نه‌به، نه خاكا كوردستانێ، نه ئازادییا گه‌لێ كورد، نه ژی مافێن بنگه‌هین یێن كوردان، نه زمان و چاند، هه‌ر وها نه ت تشته‌كی كوردان ل جه‌م جه‌مال نه‌گرینه، ته‌نێ ئۆجالان گرینگه. ب یا كارایلان خوینا كو ب هه‌زاران جوانێن كوردان ژی ژ بۆ ئازادی و سه‌ربه‌ستیێ رێژتنه ت واته‌یا خوه نینه و نه‌گرینگه هه‌گه‌ر ژ بۆی ئاپۆ فه‌دا نه‌به.
جه‌مال نه ژ كوشتنا جوانێن كوردان عاجزه، ژ مه‌دیایا تركیێ عاجزه كو ژ ئۆجالان ره دبێژه كوژه‌رێ پتكان ئانكو زارۆكان!!
كارایلان د به‌شه‌كی گۆتنێن خوه ده ب ئاوایه‌كی شه‌رمینۆك چاپه‌مه‌نیا ئالیگرا ده‌وله‌تا ترك ره‌خنه دكه و ژێ ره دبێژه: «زمانێ چاپامەنیا هەیی و ب تایبەتی ژی زمانێ ئۆرگانێن چاپەمەنیێ یێن گرێدایی ئاکه‌پێ وەشانێ دکن، نە تەنێ زمانەکی ژەهری بکار تینن، د هەمان دەمێ دە زمانەکی پرۆڤۆکاتیفە، ئه‌ڤ یێك هه‌وله‌دانێن چارەسەریێ بێواتە دکە، تونە دکە و ل جهێ چارەسەریێ شەر دخوازە، نیشان ددە».
كارایلان ده‌وله‌تا ترك ل سه‌ر قه‌تلیعام و ئێریشێن هه‌وایی یێن كو رۆژانه جوانێن كوردان تێ ده تێن فه‌دا كرن ره‌خنه نه‌كر و ته‌نێ ژ زمانێ چاپه‌مه‌نییا تركیێ عاجزه كو ژ ئۆجالان ره دبێژه كوژه‌رێ پتكان!!
مه‌دیایا په‌كه‌كێ ئاموورێ زمانێ ژه‌هری و به‌لاڤكرنا كین و نه‌فره‌تێ یه
ره‌خنه‌گرتنا جه‌مالێ كه‌ردز د ده‌مه‌كی ده یه كو مه‌دیایا په‌كه‌كێ ب ته‌ڤاهی ل سه‌ر زمانێ ژه‌هری، به‌لاڤكرنا نه‌فره‌تێ و ده‌ره‌و و خاپاندنێ هاتیه ئاڤاكرن.
جه‌مال د هه‌ڤدیتنا خوه یا ب ئانفێ ره ب ئاوایه‌كی پڕ بێئه‌خلاق ئێریشی په‌ده‌كێ كر، ب قاسی كو ئێریشی په‌ده‌كێ كری ئه‌وقاس ئێریشی ده‌وله‌تا ترك نه‌كر، د 6 جیهێن جودا ده په‌ده‌كه ب ئیخانه‌تێ و تفاقا ب تركان ره تۆهمه‌تبار كریه، كارایلان وه‌كه ته‌ڤ رێڤه‌به‌رێن دن یێن په‌كه‌كێ سووند خواریه كو هندی ده‌ره‌وه‌ك ل سه‌ر روویێ ئه‌ردی مابه، ئه‌و گۆتنا راست نه‌بێژه، په‌كه‌كه و مه‌دیایا وێ ل سه‌ر ده‌ره‌و، فیتنه، جه‌حشاتی و ئیخانه‌تێ ئاڤابوونه، كارێ وێ خاپاندنا گه‌ل و به‌لاڤكرنا كینێ یه، جه‌مالێ كه‌ردز ژی ژ بۆ كو جه‌حشاتیا په‌كه‌كێ و رێبه‌رێ وێ «كوژه‌رێ پتكان» ب نوخمینه، ئاماده‌یه هه‌ر تشتی ببێژه و هه‌ر تشتی بكه.
رێخستنا جه‌حش 40 ساله یێك ده‌ستكه‌فتی بۆ كوردان چێنه‌كریه
مه‌دیایا په‌كه‌كێ ئێریشی هه‌ر هێزه‌كه كوردستانی دكه و وان ب ئیخانه‌تێ سووچبار دكه و ته‌نێ ئێریشی تركیێ و ده‌وله‌تێن دن یێن داگیركه‌ر ناكه، لێ به‌لێ ژ گه‌لێ كورد ره ئه‌شكه‌ره بوو كو رێخستنا په‌كه‌كێ و ته‌یبه‌ت رێبه‌رێ وێ، ئه‌و ب گۆتنێن نه‌ته‌وه‌یی خاپاندنه، ژ بۆی گه‌ل دیار بوو كو په‌كه‌كێ ب قاسی ده‌وله‌تا ترك و بهێتر زرار ل دۆزا كوردان كرییه، لۆما ژی نه جه‌مال و نه جومعا و نه‌ژی هه‌موو جه‌حشێن دن یێن رێڤه‌به‌رییا ژوور یا رێخستنێ و هه‌یا دگه‌هه زكمه‌زنێ ل ئیمرالیێ نكارینه د بهێتری 40 سالان ده یێك ده‌ستكه‌فتی ژ بۆی كورد و كوردستانێ بژلی نه‌فره‌تێ و مالوێرانیێ چێبكن.
