ئیرۆ، شەمیێ، د کۆنگرەکی رۆژنامەڤانی دە ل باژارێ قامشلۆ، چار یەکتیێن چاندییێن کوردی داخوازا لدارخستنا کۆنفەرانسه‌كه گشتی و بەرفرەها نەتەوی یا کوردی ب بەشداریا هەموو پێکهاتەیێن تەڤگەرا سیاسی یا کوردی کرن.
داخویانیا فەدەراسیۆنێن کولتوری یێن کوردی تەکەزی ل سەر گرنگیا بەشداربوونا نوونەرێن رێخستنێن جڤاکا سڤیل، سازیێن چاندی و یاسایی و کەسایەتیێن نەتەوەیی یێن چالاک ژ بۆ بدەستخستنا نێرینەک بەرفرەهـ و یەکگرتی ژ بۆ کۆنفەرانسا نەتەوەیی کر.
ئەڤ هەولدان ئارمانج دکە کو رەفەرانسەکە کوردی یا یەکگرتی پێک بینە کو نوونەراتیا مافێن کوردان بکە و وان د چارچووڤەیا دیالۆگ و دانووستاندنێن سیاسی دە بپارێزە، چ ل هوندر و چ ل دەرڤەیی سووریێ، د ناڤ دە ژی کۆنفەرانسا نشتمانی یا سووری یا بێ.
سەندیکایێن کو بانگا داخویانیێ دکن یەکیتیا گشتی یا نڤیسکار و رۆژنامەڤانێن کورد ل سووریێ، یەکیتیا نڤیسکارێن کورد ل سووریێ، یەکیتیا رەوشەنبیرێن ناڤچەیا جەزیرێ و یەکیتیا رەوشەنبیرێن رۆژءاڤایێ کوردستانێ (هڕک) جهـ دگرن.
