ب سەدان ھەزار کوردان جانێ خوە و ژ بودجەیا گەلەک دەولەتان زێدەتر مالێ خوە، خست رێیا سەرخوەبوونا کوردستانێ.
د ڤی شەرێ دژوار دە، کوردستان وێران بوو، ب ملیۆنان کورد کۆچبەر بوون. زلم و زۆردەستیێن نایێن گۆتن هاتن ئەنجامدان.
لێ سۆسیالیزما پارتیا کارکەران ھێژ ژ سەری دە رێخستن سەختە دکر. رێخستنێ، نە تەنێ شەرێ دەولەتێ، شەرێ ھەمی دینامیکێن جڤاکا کوردی ژی کر. تەڤگەر و فراکسیۆنێن دن یێن کورد ب ئێرشێن چەکداری ھاتن ژناڤبرن. دژمنیا ئەرستۆقراسی و مالمەزنێن کوردان ناکۆکیێن دژوار چێکرن. شەرێ دو پارتییێن ھەری مەزن یێن وەک پارتی و ئێکەتیێ ھات کرن. د ڤان شەران دە ب ھەزاران کورد ھاتن کوشتن.
سەرۆکێ کارکەران عەڤدللا ئۆجەلان ژ رۆژا دەستپێکێ دە خوە کر ھەر تشتێ رێخستنێ. ل ھەر دەرێ پۆستەرێن وی، د ستران و پرتووکان دە پەسنێ وی و سەرۆکبوونا وی یا بێ نیقاش منافسا کوردستانێ دکر.
ترک پر بێ نەفس دلەیزن. ل چۆلی حێشترێ ددزن، پشت را ددنە دیتن و منەتا خوە دکن! ب قەیوومان دەست داتینن سەر شارەدارییان، پشت را دەما قەیوومان ڤەکشینن، دێ پارتیزان جەژنێ بکن!
مرۆڤێن بێگونەھ زیندانی دکن، پشت را ب دەستووردانا تەڤلیبوونا تازییەیێ، یان بەردانا پشتی سالان، منەتا خوە دکن!
رەبەنێ ل چۆلی نافکرە. ژ خوە حێشتر یا تە بوو، ژخوە ڤی دزی ئەڤ لیستک ل سەرێ تە گەراند، تو ژ رێیا تە دوور کری! نە، حێشتر دیت، دەست و پێیان ماچ دکە! سەرکەفتنا مەزن پیرۆز دکە.
لێ ھێژ ل چۆلی یە! ب ڤی ئاقلی دێ ھەر ل چۆلی بیت. موحتاجێ پرتەکا نانی، تاسەکا ئاڤێ، پیچەکا سێبەرێ!
