هەسەدە: تەرۆریستەکی داعشێ ل پارێزگەھا حەسەکێ ھات گرتن

ھێزێن سووریەیا دەمۆکراتیک (ھەسەدێ) ب پشتگریا ھێزێن ھەڤپەیمانیا ناڤدەولەتی تەرۆرستەکی داعشێ ل پارێزگەھا حەسەکێ گرت.

ناڤەندا راگھاندنێ یا ھەسەدێ د داخویانیەکێ دە راگھاند، ھێزێن تۆلێن سەر ب ھەسەدێ ڤە ب ھەڤکاریا ھێزێن ھەڤپەیمانیا ناڤدەولەتی دوھ 25ێ ئادارێ ئۆپەراسیۆنەکا ئەولەھیێ ل باژارۆکێ توێنەیێ ل پارێزگەھا حەسەکێ ل دژی شانەیەکا داعشێ پێک ئانین.

دیار کر ژی، د ئۆپەراسیۆنێ دە تەرۆرستێ داعشێ ب ناڤێ “عەبدوللاھ خدر ناسر ئەل فەرۆخ” گرت. ھەر وھا 3 تەلەفۆن و بەلگەیێن تاکاکەسی یێن ل گەل تەرۆریست ھاتنە دیتن، ھاتن دەستەسەرکرن.

فەرمانداریا گشتی یا ھەسەدێ رۆژا 23 ئادارێ د سالڤەگەرا 6ێ یا تێکبرنا داعشێ دە دیار کربوو، داعش ھەول ددە سوودێ ژ تەڤلھەڤیا ل سووریەیێ وەربگرە و خوە زندی بکە.

ھەروھا گۆت: “ل ئالیەکی دن چارەنووسا ب ھەزاران داعشێن گرتی و مالباتێن وان کو پرانیا وان ژ وەلاتێن بیانی نە، پرسگرێکە. پێدڤیا ڤێ پرسگرێکێ ژی ب چارەسەری، تەڤکاریا ناڤدەولەتی، ئاڤاکرنا دادگەھەکا ناڤدەولەتی ھەیە.”