پەکەکێ هلوەشاندنا خوە ب فەرمی راگهاند

پارتیا کارکەرێن کوردستانێ (پەکەکێ) ب ئاوایەکی فەرمی هلوەشاندنا خوە راگهاند و بریارێن کۆنگرەیا 12 ئەشکەرە کرن.

ئیرۆ 12/5/2025 ب ناڤێ دیوانا کۆنگرەیا پەکەکێ داخویانیەک ھات پارڤە کرن و ھات راگەھاندن، گرێدایی پێڤاژۆیا ب داخویانیا رێبەرێ پەکەکێ عەبدوللا ئۆجالان یا رۆژا 27ێ سباتێ دەستپێکری، کۆنگرەیا پەکەکێ یا 12ەمین د  رۆژێن 5 – 7ی گولانێ دە ب ئاوایەکی سەرکەفتی هات لدارخستن.

داخویانیا دیوانا کۆنگرەیا پەکەکێ دە ھات گۆتن: کۆنگرەیا 12 یا ئاوارتە یا پەکەکێ نرخاند کو تێکۆشینا پەکەکێ سیاسەتا ئینکار و ئیمھایێ یا ل سەر گەلێ مە شکاندیە، پرسگرێکا کورد ئانیە ئاستەکێ کو ب سیاسەتا دەمۆکراتیک وەرە چارەسەرکرن و د ڤی واری دە پەکەکێ ئەرکا خوە یا دیرۆکی ب جھ ئانیە. ل سەر ڤێ بنگەھێ، کۆنگرەیا 12 پەکەکێ بریار دا:

• رێخستنا پەکەکێ وەرە ھلوەشاندن و رێبازا تێکۆشینا چەکداری ب داوی ببە.

• پێڤاژۆیا پراکتیکی ژ ھێلا رێبەر ئاپۆ ڤە وەرە برێڤەبرن و مەشاندن.

• ب ڤی ئاوایی خەباتا کو د بن ناڤێ پەکەکێ دە دھات مەشاندن ب داوی ببە.

ئەڤ بریارێن پەکەکێ ئیرۆ ئەشکەرە کرین، پێش نها د 9/5/2025ان دە رووپەلا دارکا مازی د راپۆرەکە خوە دە ب زەلالی و وەکە خوە پارڤە کربوون، ژ بۆی خوەندنا راپۆرێ هوون دکارن ڤێ لینکێ کلیک بکن: https://darkamazi.net/archives/1051933