فیلۆسۆفێ جیهانی «جاك دریدا» دبینیت کو دەمۆکراسی ل سەر بنگەها ناسکرنا هەڤبەش هاتییه ئاڤاكرن و پاشی بۆ پیڤانەکا دۆرهێلی تێ گوهارتن كو تێدا ناسنامە تێ هلوەشاندن و د ئەنجامێ دا دكهڤیته د بەرژەوەندییا وی ئالی یێ كو هەلوەستا وی سەردەسته.
تشتێ کو ئۆجالان پێشنیار دکەت ئەوە کو کوردان وەکی جڤاتەکا چاندی د ناڤ دەولەتا ناڤەندییا ترکیەیێ دا تێكههل بکەت. د ئەڤێ پێشنیارێ دا چ ناسکرنەکا یاسایی یا زمان، ئاخ و مافێ وان یێ دیارکرنا چارەنووسێ نینه، لێ تەنێ وەکی بەشەک ژ گەلێ ترک ب هەڤکێشەیەکا نەناس.
دەما ئۆجالان بریار دا کو پارتیا خوە یا چەکدار هلوەشینیت، ئەو نە ب مهرجێ ناسکرنا نەتەوەیا کورد بوو ژ ئالیێ دهولهتا ترك ڤه، یان ب مهرجێ بەردانا گرتیێن سیاسی، و ههتا نه ب مهرجا گوهەرتنەکا بچووکا دەستووری ڤە ژی بوو.
چ پەیمانەکا سیاسی نینە کو تشتهك ل سەر بهێته ئاڤاکرن، لێ ئەم دکارین ببێژن کو ئەو دهستپێشخهریهكا ئەخلاقی یا تاکەکەسی یە.
گهلۆ ما پرسگرێکا کورد ب رییا دهستدرێژییا ئەخلاقی نههاتییه پاككرن؟؟؟
دبیت ئالیگرێن ئۆجالان ببێژن کو ئەو ژ نەتەوەپەرەستیێ دەرباس بوویە و ئهو بەر ب گلۆبالیزاسیۆنا مرۆڤاهیێ ڤە دچیت.
لێ بەلێ نابیت دهرباسكرنا نهتهوهپهرستیێ ل سەر حهسابا مافێن کوردان بیت. نابیت ئینتەرناسیۆنالیزم ل سەر پرسگرێکا نەتەوەیەکێ کو هێژان چارەسەر نەبوویە بهێته ئاڤاکرن.
فیلۆسۆفێ جیهانێ «ئەممانوێل ليفيناس» هشیاری دا مە کو ئەم ل دژی ڤێ مرۆڤاهییا رازبەر راوەستین دەما کو گۆتی: «عەدالەت ب ناسکرنا ئێشا جیرانان دەست پێ دکەت، نە ب روومهتا گشتی یا مرۆڤاهیێ».
