بووبێ ئەسەر
نھا د ناڤا کوردان دە ب ئاوایەکی ڤەکری و ئەشکەرە، تێ گۆتن کو ئۆجالان خیانەت لگەل کوردان کرییە! ئەز قەت و قەت نە ل گەل ڤێ گۆتنێ مە. خیانەت!!! ئەوە کو کەسەک ژ نەتەوەکێ بە، ژ بەر بەرژەوەندی یان ھندەک ھێرسا خوە، خیانەتێ لگەل گەلێ خوە دکنە.
ئەم ب رەحەتی دکارین بیژین کو د دیرۆکا گەلێ کورد دە، ب دەستێن ھندەک کوردان خیانەت ل گەلێ کورد ھاتیە کرن و ئەڤ ھێژ ژی بەرەوامە. لۆما ژی دڤێت ئەم خیانەتێ خوەشک و ب رامانا وێ ب کار بینین دا کو کا کێ ھەتا نھا خیانەت ل گەلێ خوە کریە ناس بکین.
ژ بەر ڤێیە کو ئەز چ جاران نابێژم و دڤێت کورد ژی نەبێژن کو عەڤدلا خیانەت ل گەلێ کورد کرییە. ئەو ب خوە کوردە، نە کوردە جھێ موناقەشێیە. ژ بەر کو ئەو ب خوە ژی دبێژە: “دایکا من ترکە”. دیسا ئەم دزانین کو بابێ وی یێ کورد زۆری ل دایکا وی کرییە.
دەما کو ئەو ژی مەزن دبە و فێر دبە کو بابێ وی زۆرداری ل دایکا وی یا ترک کریە. ئێدی ئەو د شەخسیەتا بابێ خوە دە دبە دژمنێ نژادا بابێ خوە.
لێ پشترە کارمەندێ دەولەتا کوور وی ناس دکن، دبینن کو کینا کوردان د دلێ وی دە وەکە چیایێ ئاگریێیە. تینن با خوە، وی ل گۆر وێ کینا وی یا ل ھەمبەر کوردان پەروەردە دکن. پشتی پەروەردەیێ ژی ژ بۆنا بکاربە رەحەتر تۆلا دایکا خوە د شەخسیەتا بابێ خوە یێ کورد، ژ کوردان ھلینە، ژ دەولەتێ دخوازی کو ژ بۆنا وی ئیمکانان بخولقینن دا کو ئەو د شەخسیەتا بابێ خوە دە ھەمی کوردان تونە بکە.
ژ رۆژا کو عەڤدلا دەست ئاڤێت کارێ رێخستنیێ، ئارمانج و ھەدەفا وی ئەو بوو کو ب سایا وێ رێخستنا دەولەتێ ژێ رە دامەزراندبوو، تۆلا دایکا خوە ژ کوردان ھلینە. نە تەنێ ئەڤ. ھنگێ ئەو کین د دلێ وی دە مەزن بوو بوو، خوەست ھەمی کوردان تونە بکە.
ژ خوە دەولەت ژی ل کەسایەتەکی وەھا دگەریا کو ل سەر دەستێ قاشۆ یەکی کورد، تەڤگەرێن کوردستانێ تێک ببە. پشتی کو ب ھەر ئاوایی باوەری پێ ئانین کو ئێدی ئەو دێ چ زەرەرێ نەدە دەولەتا ترک. ژ بۆنا تێکبرنا تەڤگەرێن کوردستانی، عەشیر و مالباتێن مەزن، ئاغا و سەرۆک عەشیرەتێن کوردان تونە بکە، دەست ب ئیمکانان بۆ وی ئامادە بکە کرن، دا کو ئەو ژی دەست ب کارێ کوشتنا کوردان بکە، ژێ رە پارتیا پەکەکێ دامەزراندن.
شۆرەشگەر و وەلاتپارێزن وێ دەمێ (1965-1980) نەزان بوون. زلم و زۆرداریا لەشکەرێن ترکان کو ل گوندی و خەلکێ کورد دکرن ب چاڤێن خوە ددیتن. ل ھەمبەر ڤێ خوەستن تەڤگەر یان پارتیێن خوە دامەزرینن و تەکۆشینا گەلێ خوە بدن. لێ داگیرکەر بەری وان تەڤگەریان…
دەما داگیرکەرێن مە و زلامێن دەولەتا کوور عەڤدلا دیتن. وان ب لەز و بەز ئەو ب رێخستنی کرن و چەند زلامێن خوە ژی دانین با وی. ژ بۆنا وی پارتیا کو بکاربە کوردان تونە بکە و کوردستانێ وێران بکە، ژێ رە ئاڤا کرن. چ ئیمکان و پێدڤیێ وی ھەبوو، ھەمی تەئمین کرن کو ئەو رەحەت کاری تونەبوونا کوردان د بن کۆنترۆلا دەولەتێ دە بکە.
د دەستپێکێ دە ب سلۆگانێن مەزن کو دێ ھەرچار پەرچێن کوردستانێ ئازاد بکە، پرۆپاگانادا کر. لێ ل ڤر بالا کەسان و پارتیان وەلاتپارێزان، نەکشاند کو ئەو دبێژە ئەم دێ ھەرچار پەرچێن کوردستانێ خەلاس بکن. ئەڤ نە ئازادکرن، ژ کۆکێ دە ژناڤبرنا کوردان بوو.
لێ پشتی کو ب سایا تەکۆشینا بارزانیان یا سەد سالان کو باشوورێ کوردستانێ ئازاد کرن. پلانا دەولەتێ یا کو دێ ل سەر دەستێ عەڤدلا کوردستان ژناڤ بربا تێک چوو. ئانگۆ باشوورێ کوردستانێ ژ دەستێ پەکەکێ و دەولەتێ دەرکەت. د رۆژھلاتا کوردستانێ دە ژی نەبوون ھێز و قاوەت. لۆما ژی ھەمی خەباتێن خوەیێن ژ بۆنا ڤالاکرنا ئەردێ کوردستانێ و کۆچبەرکرن و تونەبوونا کوردان خستن باکور و رۆژئاڤایێ کوردستانێ.
وێرانی و کۆچبەریا ل رۆژئاڤایێ کوردستانێ کرین، نە کێمی یا باکورێ کوردستانێ بوو. لێ دیسا ژی ئەو پرۆژەیا دەولەتێ ژ بۆنا عەڤدللا پێشکێش کربوون کو کوردستانێ تێک ببن، وەکە وان خوەست پێک نەھات. لۆما ژی ژ نوودە ل باکورێ کوردستانێ ڤەگەریان کو ور ب تەمامێ تێک ببن.
ل گۆر ڤێ ژی دەولەتێ و عەڤدلا ب ھەڤرە پارتیەک لەگال “تشتی ل گۆر دەستووری راست و درست” دامەزراندن کو پشتی شەرێ چەکداری کوردان د ناڤا ڤێ پارتیێ دە بمەھینن ئانگۆ کوردان وەکە کورد نەھێلن. لۆما ژی کەمالیزم ب کوردێن خوە شێرین کر. ھێدی ھێدی ئەو ژەھرا کەمالیزمێ د ناڤا ئەندامێن خوە دە بەلاڤ کر و ب وان دا قەبوولکرنێ. سەرۆکاتیا پارتیێ ژی دانە کەمالیستێن کورد و ترک.
تشتێن کو ئیرۆ دقەومە، ل سەر دەستێ یەکی کو دایکا وی ترک و ئەو ژی خوە وەکە ترکەکی ئەسل دبینە، پێک تێ. لۆما دڤێت ئەم نەبێژین عەڤدلا خاینە یان خاینتی لگەل کوردان کرییە. ژ بەر کو دژمنێ ملەتێ تە نابە خاین. ئەو دژمنە و ژ بۆنا تە ژ ھۆلێ راکە کار دکە.
باوەریا من ئەوە کو عەڤدلا ژ ئەندام و سەرکردێن (کادرۆیێن) خوە ھەمیان دروست ترە. ژ بەر کو وی ژ رۆژا رۆژ دە ژ کوردان حەز نەکرییە. یاری و حەنەکێن خوە ب کوردان و پێشەڤانێن وان کرییە. کورد کێم دیتنە و دبینە. لێ وەکە ئەو دبێژە، کوردان ئەو ئانگۆ ئەڤ فێم نەکرن.
لێ ھێژ ژی ئەم رابن بێژین عەڤدلا خییانەت لگەل کوردان کرییە شاشە. جامێر وەکە ترکەکی ژ بۆنا کوردان تونە بکە، چ ژێ ھاتیە ل گەل خالانێن خوە کری و گۆتیە. گۆتنێن وی بکۆلن ھوونێ ببینن د ھەمیان دە تونەبوونا کوردان ھەیە. وی رۆژەکێ ژ کوردان حەز نەکرییە. لێ مخابن ھندەک کوردان تم ئەو وەکە سەرۆک و رێبەرێ خوە دیتنە…
عەڤدلا وەکە ترکەکی کارێ خوە کرییە و ئەرکا خوە ئانیە جھ. ل سەرۆکاتیێن ھەمی پارتیێن ب سەر پەکەکێ ڤەنە بنێرن، ھوونێ وەکە بەرپرسێن ئەول ترکان ببینن. ل پارتیا وان یا دەما نھا بنەرن دێ بینن کا کینە یێن ئەو ب رێڤە دبر و دبن.
ژ بەر ڤێ دبێژم: عەڤدلا نە خاینە و ئیخانەت لگەل کوردان نەکرییە. جامێر ئەرکدار بوویە کو کوردان تونە بکە، لێ کوردان ئەو فێم نەکرنە. ژ خوە وی تم گۆتیە و دبێژە: “کورد من فێم ناکن”. گەلۆ ئەڤ تێ چ واتایێ. ژ بەر ڤێ ئەز دبێژم ئێدی وی فێم بکن کو ئەو نە کوردە. ترکەکی دژمنێ ملەتێ کوردە.
تێبنی: ھەگەر ھوون دخوازن ببن خوەدی ئاگاھداریێن بەرفرەھ، ل سەر عەڤدلا و مالباتا وی، رۆمانا من یا ب ناڤێ ساپۆ بخوینن ئاگاھداریێن بەرفرەھ د ڤر دە ھەنە…
