ئاگاهیەک د دەربارێ «پژاک – په‌كه‌كێ» دا
پژاک د سالا 2002ێ دا ب ناڤێ «جۆمبشی ئیتحادی دەمۆکراتیک» ژ بۆ رۆژهلاتێ کوردستانێ، د بن ئاگاهی و پلانا موخابەراتا ئیرانێ «ئیتلاعاتێ» و کۆنسەیا په‌كه‌كێ دا ژ بۆ پێشی گرتنا ل حزبێن رۆژهلاتێ کوردستانێ، هات ئاڤا کرن.
پشتی سالەکێ پژاک کار و خەباتێن گەل ل 15 ئیلۆنا 2003ێ ژ هێلا ئۆسمان ئۆجالان «فه‌رهاد» ڤە ل قەندیلێ ل شکەفتا دۆلا «شەهید هاروون» هات ئاڤا کرن، فه‌رهاد ب زانەبوون ناڤێ ڤێ پارتیێ ب ناڤێ هەڤژینا خوە «پارتیا ژیانا ئازاد» ب ناڤ کر، پشتی کو فه‌رهاد ژ حزبێ ڤەقەتیایی، دەرەوا کو کۆنگره‌یا پژاکێ ل سالا 2004ێ هاتیە دامەزراندن، ئاشكه‌ره كر.
د وان سالان دا گەلەک شەرڤانێن خەلکێ رۆژهلاتا کوردستانێ د ناڤ په‌كه‌كێ دا هەبوون، ژ شەرڤانێن رۆژهلات را پرۆپاگاندایا «پژاک ژ بۆ رزگارکرنا رۆژهلاتا کوردستانێ چێبوویه، ژ بەر کو پارتیێن په‌ده‌كه – ئیران و کۆمەلە ب سەرنەکەفتن و تێکچوون» د هات کرن، شەرڤان وه‌سا دهاتنه رازیکرن کو پژاک دێ ڤێ خەباتێ بەر ب فکرا ئاپۆ ڤە ببەت و ب بەرخوەدانا پژاکێ دێ ئەڤ تێکۆشینە پێشبکەڤیت.
هێزەکا لەشکەری ژی هاته ئاڤا کرن، ئەڤ هێزە ژی گەلەک جاران ناڤێ وێ هاتیە گوهارتن، کار و خەباتێن د هاتنه کرن پاره و شەرڤان کۆمکرن بوون و ژ بۆ کو جوانێن رۆژهلات ب خاپینن پرۆپاگاندا د هاتنه کرن و د گۆتنە جوانێن رۆژهلات: « ژ بۆ ئازادیا گەلێ رۆژهلات، وەرن تەڤلی پژاکێ ببن»، لێ ئەو شەرڤانێن تەڤلی ڤێ رێخستنێ دبوون هه‌ر راست پشتی پەروەردەیەکێ ئەو بۆ رۆژهلات نه‌دهاتن هنارتن، به‌لكو بۆ باكورێ كوردستانێ و ل وێرێ ددانه كوشتنێ.
د ڤی ماوەی دا کو پژاک هاتیه دامەزراندن، ب تایبەتی گەلەک هەڤالێن رۆژهلات وەک مەجلسا پژاکێ هاتنه ئەرکدارکرن، لێ یێن ئەو ب رێڤە دبرن بەرپرسیارێن کۆنسەیا په‌كه‌كێ بوون، کۆنسەیا كه‌جه‌كێ-په‌كه‌كێ ب ناڤێ «كۆمیته‌یا سیاسی» سه‌بری ئۆک و زەکی شەنگالی بۆ پژاكێ دامەزراندن و کادر و رێڤەبەرێن هەمی پارتی و سازیێن سه‌ر ب كه‌جه‌كێ ڤه د وێ رێخستنێ دا هاتنه ئاماده‌كرن و دامه‌زراندن.
لێ ئەڤ رەوشا ئالۆز د ناڤ هەڤالێن رۆژهلات دا چه‌ند دچوو کوور دبوو، نامەیێن کو ژ ئیمرالیێ دهاتن ناکۆکی د ناڤ هەڤالێن رۆژهلات دا ب تایبەت ئه‌وێن ل ئاستێ رێڤەبەر کوورتر دكرن.
گەلەک هەڤال د ئاستێ رێڤەبەر دا ژ پژاکێ ڤەقەتیان، چەندین جاران مەجلسا پژاکێ دهاتە حاله‌كی كو بێ رێڤەبەری دما و هه‌می دهاتنه تاسفیە كرن، لێ كه‌جه‌كێ ب رێکا «كۆمیته‌یا سیاسی» هه‌ر زوو ده‌ستوه‌ردان دكر.
واته ئەم دکارن بێژین یێن کو ناڤێن وان یێن ڤەقەتیای ل بیرا مە مایی ئه‌ڤێن ل خوارێ نه:
سیپان رۆژهلات.
سالماس شکاکی (ب دەستێ په‌كه‌كێ هاته تاسفیە کرن ل 2004).
زریان رۆژهلات.
مامەند رۆژهەلات.
ئارام کۆتۆلی.
ئازاد مهابادی (برایێ ئەمیر کەریمی) 2004 قوت بوو.
باهۆز کۆتۆل.
مراد کۆتۆل (ئستخباراتچیێ کارایلان بوو پاشێ د مەجلسا پژاکێ دا جهـ گرت پاشی تەسلیمی ئیتلاعاتێ بوو).
زەینەب ماکۆ 2004.
دیلان ماکۆ 2006.
زانیار سالا 2008.
ئاسۆ ماهابادی د خەباتا جوانان دا بوو.
بریار گابار كو جه‌میل باییكی، دیرۆکا په‌كه‌كێ ب فارسی پێ دابوو نڤیسین، لێ پشتی کو قەندیل رادەستی ئیرانێ هاتیه کرن وی پڕ پێ نەخۆش بوو و ل 2016-2017ێ ڤەقەتیا.
ئاسۆ سنەیی د رێڤەبەریا جوانان دا بوو 2011.
ئاوارە ماهابات 2010.
پێشەوا ماهابات 2003
و گەله‌ك کەسێن کو ناڤێن وان نەهاتنه نڤیسین ژی هەنە.
پژاک چ جاران ئنسیاتیفا وێ نە د دەستێ رێڤەبەرییا پژاکێ دا بوو، واته هەڤالێن رۆژهلاتی، هەر دەم ژ كه‌جه‌كێ 2-3 ئەندامێن وێ ل سەر پژاکێ د سەکنین و ئنسیاتیف د دەستێ وان دا بوو، ژ بۆ به‌رده‌وامی و سەرەراستکرنا کار و خەباتان و ژ بۆ کارێ پراكتیکی، یان موراد قارایلان، یان جه‌میل باییك د ناڤ دا بوون و ب فه‌رمانا وان هەمی کار دهاتنه برێڤەبرن.
ئەندامێن كه‌جه‌كێ-په‌كه‌كێ یێن ژ دەرڤەی کادر و رێڤەبەرێن رۆژهلاتی ئەڤ بوون:
سالا 2002-2003 سەرهات، ئەو ل 2004 ل گەل فه‌رهاد قوت بوو.
2003 فه‌رهاد ئۆجەلان ب خوە کۆنفەرانسا دامەزراندنا پژاکێ چێکر.
دیسا 2003 سەرهات ماراش، سالیحە دێرک و رۆژدا سەرهەت ل سەر رێڤەبەرییا پژاکێ بوون.
2003-2004 جەمیل ئامەد سەرهەت ماراش، دلخواز بنگۆل، رۆژدا سەرهەت، زەلال چەلێ بوون.
2005-2006 جەمیل ئامەت، دلخواز بینگۆل سەرهەت ماراش، د.ئافات بوون.
2007-2009 زەکی شنگالی، رۆناهی ئەحمەد و سۆفی نوورەدین بوون.
2009-2010 ئاپێهس و رۆناهی ئەحمەت بوون.
ژ «كۆمیتا سیاسی» یا كه‌جه‌كێ زەکی شنگالی و بۆزان تەکین بوون.
2010-2012 رزا ئالتوون دەمهات ئۆزالپ ل سەر پژاک و کۆدەر دسەکنین.
هێژای گۆتنێ یه، چ گاڤا رێڤەبەرێن كه‌جه‌كێ خواستبان کادرێن رۆژهلاتی ژ پژاک یان ژی ژ رێڤەبەرێن وێ د کارین دەربێخن و بەرێ وان بده‌نه باکور، هه‌په‌گێ، یان ژی ده‌رڤه.
ئەیالەتێن باکور، د کارین ئەو کادرێن په‌كه‌كێ یێن کو چ په‌یوه‌ندیا وان ب رۆژهلات ڤە نەیی ژی بەرێ وان بده‌نه پژاکێ داكو بەردەوام ئەندامێن رۆژهلاتی د بن کۆنترۆلا خوە دا بگرن، 2011 وەختێ شەرێ «گرێ جاسووسا» دەستپێ کری، سمکۆ بانە رۆژهلاتی ژ ئەیالەتێن باکوور ئینان و دانانه سەر هێزا لەشکەری، لێ دەما په‌كه‌كێ و ئیتلاعاتا ئیرانێ شەرێ جاسووسا راوەستاندی و رێككه‌فتین، سمکۆی خوه نه‌رازی كر، هه‌ر وێ ئێڤارێ ژی رەغمێ کو سمکۆ دووری سەنگەرێ پێشیێ بوو و جهێ وی ئێمن ژی بوو، لێ ئەو دان کوشتن و ل گەل ئیرانێ ل سەر پلانا رۆژئاڤا و تەسلیمکرنا چیایێ قەندیلێ یێ کو چ جارا نەکەفتبوو د بن کۆنترۆلا دژمن دا تەسلیمی سپای ئیرانێ کرن، پێک هاتن.
کوردۆ باکووری
